اخويا هينقطنى عشان نشوف بيت العز اللى هو بيتنا

مكنش ينفع افوت عليكم اللى اخويا عمله فيا اهو عمال يتنطنط حوليا عاوز يفتح على اخوه التانى اللى هو اخويا برضة(شوف الصدف)وهو بيقلع

كنت بلعب شوية ببرنامج جوجل ايرث طبعا كلكم عارفينه

المهم مكنتش عارفة اشوف بيتى ازاى

استعنت بيه وصلنى لحد قرب الحى اللى انا ساكنه فيه وتهنا احنا الاتنين بعد كدة

انا ذاكرتى ضعيفة اوى مع الشوارع مش بعرف امشى لوحدى اوى

شهاب اخويا الصغير شوفو الحديث اللى دار بينا الواد ده عبقرية كمبيوتريه بالنسبه لسنة

اهو لابس نضارتى الشمس ومتخفى فيها وهو ده اللى كان بينزل نسخ الويندز بس معرفش ايه اللى جراله دلوقت لما قال كدة

شهاب:هو البرنامج دة بيجيب الشوارع دلوقتى حالا,يعنى والعربيات بتتحرك فى الشوارع

انا:معتقدتش يا شهاب,ليه؟

شهاب:اصل لو هو بيجيب الصور فى الوقت الحالى هطلع اقفلك عند الميدان اللى احنا وصلنا ليه دلوقتى واركب العجلة وافضل ماشى وانتى تمشى ورايا بالقمر الصناعى اللى فى برنامج جوجل ايرث لحد لما نوصل البيت

انا:ههههههههههههههههههههههههههههههههههههههههههههههههههههههههههههه

كنت خلاص فعلا وشى ازرق واحمر من الضحك

المهم جه اخونا التانى الاوسط اللى بينى وبين شهاب (زيزو) ودلنا على بيتنا فين ما هو صايع كبير وشبعان لف فى الشوراع

انتظر تعليقاتكم