طبعا فى البداية احب اوضح انى بتكلم عن جواز الصالونات
لما يكون عريس رايح يشوف واحدة ميعرفهاش ولا تعرفه
واول مرة بيشوفو بعض ليه متوقع انها هتقوم تقعد على حجرك
ولا تقعد تهزر معاك طول القعدة وتديك مقلب حرامية وانت معدى
وتقول نكت وكفك ياااااااض
وحلوة النكتة دى واقول تانى
بخيل راح عشان يتجوز ابو العروسة بيقولوا احنا عايزين مهر عشر تلاف جنية البخيل قاله: ايه عشر تلاف جنية ده انا معروض عليا بالفين وحامل كمان؟؟؟
هق هق هق
ويلا السقفة الجامدة وهب لأ لأ لأ زغرتى يا منحرفة
هى هى هى هى
لولولولولولوى
الرحمة يا عرسان
البنات (المحترمة طبعا) بتبقى قاعدة مكسوفة وخايفة تتكلم تاخد عنها انطباع وحش وهى مش وحشة تقوم لما تتكلم فى حدود الاسئله الموجهه ليها تبقى بنت قفل وكشرية ومش بحبوحة
طب يعنى هتبحبح ازاى حضرتك لو بحبت معاك يبقى ممكن تبحبح مع اى حد ماشى فى الشارع توقفة وتقوله احنا برنامج بحبح بحابيح ممكن نبحبح مع بعض شوية
وممكن تبحبح مع اللى قاعد جنبها فى القطر ولا فى الاتوبيس
يعنى هتكون بنت لاى حد وبتاعة اى حد عاوز يتكلم
انا عن نفسى لو فى قعدة جواز ولقيت بنت عماله مدياها وفاتحة على الرابع مش هستريحلها
ولو ان السهوكة مش دليل على الاحترام فى بعض الاحيان
طبعا انا مش بدعو البنات للقفلنة
بس انتى كمان لازم تحسسية انك انسانة مش مملة
ويا اخواننا العرسان البنت غير الست
واللى واخدة على التعامل مع الرجالة والشباب غيراللى ملمومة فى بيت ابوها وكرامتها وسمعتها تهمها
راعوا كل الكلام دة وانت بتختار عروستك
لاحظ انها فعلا مش عارفة تتكلم لانها متعرفش اية اللى يضايقك واية اللى يبسطك واية هو حكم مقياسك على الناس
ومفيش اساسا مواضيع بينكم عشان تتكلمو فيها
ارجو ان ميطلعليش عريس متخلف بعد كل دة يقولى انا مش فاهم حاجة يا مزمازيل
هقوله هو انت بتاع يا مزمازيل
وهقوله سمى كدة واقرا الفاتحة واقرا من الاول واتهجى حرف حرف يمكن تفهم حاجة تنفعك فى دنيتك
اصل الجواز ادب مش هز كتاف
انتظر تعليقاتكم
6 comments:
مها
أولا البلوج تحفة بجد
أنا فضلت طالعة نازلة اقرا في كلامك ..أسلوبك عجبني جدا دمك خفيف وزي العسل
مبروك على الخطوبة ولو انها متأخرة
بالنسبة لموضوع اللي بتتكلمي عنه فأنتي عندك حق
أنا عن نفسي اتعرضت للموقف ده مرتين وكنت بسكت زي السمكة وفكرت بنفس الطريقة لو اتكلمت عادي هابقى فاتحاها على البحري ولو سكت هابقى قفل مسوجر
وانا حسيت ان لقب قفل افضل
ده غير ان انا اصلا لما بشوف حد لاول مرة ببقى قافشة ومش بتصرف بطبيعتي وغالبا بسكت لاني مش واخدة على الشخص اللي قدامي
علشان كده القاعدة بتاعة العريس بتبقى قاعدة فاشلة تماما
تحياتي ليك ولمدونتك المتميزة
اتمنى فعلا تكون مدوتنى عاجباكى
وتكونى من زوارى المستديمين
ويظهر ان البوست دة كان قريب منك
الله يبارك فيكى وعقبالك
بس تبقى تعزمينى على الفرح
بصي انا هاعلق هنا على الكام حاجه اللي قريتهم
اولا انتي مصيبه والبوستات تحفه
حكاية البهائيين دي بصراحه في اول البوست اتخنقت منك
ده بصراحه يعني
بس بعد كده كملت لقيت معاكي حق الظاهر الحمام عمل معاكي شغل حلو ودماغك صحصحت
مادمنا معترفين باليهود اعدائنا اشمعنا دول مادام الرسول نفسه لم يجبر حد على الدين واكتفى بأنهم يدفعوا الديه ولا يحاربونا
---------------------
اما العريس اللي عايزها تنط في حجره وتبحبح معاه انتي فقر اصلا
المشكله ان كتير وغالبا صراحه بيكون العريس اصلا قفل ولو هي بحبحت معاه يبقى امه هتقول عنها صايعه حتى لو عجبته هو بس هو اصلا جاي في ديل ماما
وتلاقي برده واحد غبي غير بتاع المزمازيل يقولك المفروض تتكلم وتناقشني تناقشك في ايه وانت كل معلوماتك في الدنيا عن الكوره
ما علينا
---------------
اما بقى اللي غايظينك بأنهم بيحطوا الأغاني وانتي مش عارفه انتي بقى غايظاني برده بموضوع الوورد فيريفيكيشن ده
هي يعني موقع ناسا سا فالحه
شيليه بقى بيزهقني في التعليقات
وختاما بجد اتشرفت بيكي
سلاااااااااااااااام
ربنا يكرمك بس اذا كنت انا مصيبة فانت مصيبتين ولا انت مش بتفتح البلوج بتاعك
_______________________________
متتخنقش انا مش بساند البهائيين الهى يبقو يولعو بدينهم حتى لكن فعلا فى منهم مطلع بطاقات وشهادات ميلاد ودول العالم الواصلة اما الناس العادية منهم لا يبقى حرام ولا حلال
وبعدين فى امريكية متزوجة من بهائى طلعت شهادة ميلاد لابنها البهائى عشان سفارتها بتساندها شوفت التفرقة
وفى النهاية احنا بشر مهما كان ديننا وهما محتاجين حقوقهم المدينة دى عشان يعيشو
ــــــــــــــــــــــــــــــــ
اما حكاية الورد فيبريكشين دى بتخنقنى اكتر من ومش عارفة اشيلها ازاى
ههههههههههه مدونتك حلوه قوى يا صحفيه
شكلك دمك خفيف انا وصلنى تعليقك على مدونتى واشكرك عليه انا بس بحب ارسم الضحكه على شفايف الشعب الغلبان
مدونتك حلوه قوى وربنا يوفقك
بنت مصرية
شكرا ليكى
وزورينى دايما
Post a Comment