ارجوكم ارجوكم
كفاية بقة كدة بطلوتغيظو فيا
كل ما ادخل بلوج الاقى كل بلوجراتى حاطط الاغنية اللى بيحبها
عشان زواره اول ما يدخلو يسمعوها
يا اما تقولولى بتعملوها ازاى
يا تتفضلو مشكورين تمسحو كل الاغانى اللى عندكو على بلوجاتكم
:P
والناس اللى بتدخل بدون ما تسيب تعليقات
شايفين عداد الزوار اللى حطاه الاسبوع ده عد كام زائر
يعنى معنى كدة ان زوارى كتير لكن مش بيسيبو ليا تعليقات
هو انا مستاهلش ولا اية؟
دة لو كل زائر ساب تفه واحدة
هيبقى عندى كمية تفافه محترمة اعملى بيها كام تعليق
اوعو تتفوا انتو اتهبلتو ولا اية
بس لما يبقى عندى فى العداد اكتر من 100 زائر لازم يكون عندى على الاقل 100 تعليق
اتنظر تعليقاتكم دااااااااااااااائما
7 comments:
أقترح عليكى بجد إنك تستعدى من دلوقت عشان تنزلى كتاب على المعرض الجاي زي ما برايد عملت
تجمعى فيه بوستاتك أو تكتبى فيه من أول و جديد أرائك على نفس المسائل إللي بتتكلمى فيها و كمان حولين الموضوعات إللي بتمر بيها البلد بشكل عام و أصبح كل البلوجرز بيكتبوا في السياسه , حتى برايد ليها مدونه سريه سياسيه لا تعلن فيها عن نفسها و تعبر فيها عن رأيها في الأحداث الجاريه
و صدقينى لو فضلتى على خفة دمك كدا و تلقائيتك فهتحققى نجاح كبير إنتى كمان يوم حفلة التوقيع
المهم يكون صادر منك إنتى مش بتعديل من حد أو تدخل من الناشر أو أي حاجة و السوق متعطش لكاتبه في مثل سنك يسمع أرائها و يفهم عن قرب طريقة تفكيرها و يناقشها في الدين و السياسه و الأمور الحياتيه
و كلمة سر أخبرك بيها محدش هيقولهالك ... كثير من الأراء التى ستصدر منك في هذا السن هى الأراء و الإتجاهات الصحيحه و التى سيمارس عليكى المجتمع ضوط بعد كدا ليحورها لتتناسب مع ثقافته و تصبح مشوهه مثله
مها العسولة
الكود بتاع الاغاني هتحطيه في السايد بار زي ما انت حاطة التصويت كده والمكان اللي فيه نقط ده هتحطي فيه لينك الاغنية اللي انتي عايزاها
هتعملي عليها رايت كليك وتجيبي خصائص وتاخدي اللينك كوبي
بصي يا بنوتة
http://bmadvice.blogspot.com/
ده لينك في شرج جميل جدا غاملاه بنت مصرية بتشرح فيه كل حاجة بتتعمل ازاي
وده بقى انا جيبته من السيرش كويس اوي برضه
http://ta3leem-khaled.blogspot.com/search/label/%D8%A7%D9%83%D9%88%D8%A7%D8%AF
أي خدمة ويارب نسمع اغنية هنا قريب
سلام
أنا معرفتش أضيف الكود في الكومنت
بس هتلاقيه في أول صفحة بتاعة بنت مصرية
تحياتي
اخويا اللى مذكرش اسمه فوق
ميرسى ليك اوى
واتمنى فعلا تكون كتاباتى عجباك
بس انا مش عارفة ممكن ازاى اوصل انى الفت نظر دار الكتب ليا عشان تنشرلى
والكلام اللى هنا اسلوبى وتأليفى مش متأثرة بحد
او تعرف تساعدنى عشان النشر
يبقى ربنا يجازيك خير
وكانك كنت حاسس بيا انا فعلا كنت هنزل بوست شوية سياسى النهاردة
وياريت تبقى تقولى ايمك او نيك نيم المرة الجايى اعرفك بيه
سلام
هبة حبيبة قلبى وروحى وعقلبى
جربت اللينكات اللى انتى ادتيهانى
لكن انا مش فاهمة حاجة خالص انا عاوزها يدوب كدة اعمل كوبى وباست لو عندك طريقة سهله قوليلى عليها وخصوصا انى عاوزة اعمل احط اغنية على مزاجى
شوية قديمة بس بحبها
وعلى فكرة انا مش شطورة اوى فى النت
كل الشغل اللى فى البلوج دة انا عملاه بس تعبت فيه
البلوج دة مش ورث ده جاى بخلع الدرس
يلا سلام
للأسف لا أعرف ناشرين و لكن ربنا هيحلها أكيد وقتها
سأختار إسم أوقع به بعد ذلك
تحياتى
ميرسى ليك يا مستر مجهول
واتمنى زيارتك المرة الجاية تكون باسم عشان اعرف اناديلك اقولك اية
Post a Comment