ممكن سؤال لو سمحتم
محتاجة اجابته منكم ضرورى
ايوة محدش يعرف يجاوبه غيركم
ايــــــــــــــــــــــه رايكـــــــــــــــــــم فى مدونتـــــــــــــــــــــــــى نميمــــــــــــــــه
لن اكتب اى بوست قبل معرفة ارائكم وعلى اساسها احدد مصير نميمة
انتظر تعليقاتكم
****************
البوست الجاى
coming sooooooooon
20 comments:
السلام عليكم
هذه أول زيارة ليا في المدونة
وسبحان الله
لقيت البوست ده
بجد ...نميمة مدونة رائعة...والإسم جميل
والإستايل بتاع المدونة حلو
عموما المدونة كلها رائعة
ومع إني ما جيتشي هنا قبل كدة...فا هاقولك ألف ألف ألف مبروك لخطوبتك..
بس بإذن الله مش هتكون آخر زيارة لي
.....
وانا على فكرةة كمان من الناس إلي
إنتي منهم
"انا واحدة من اللى بيقولو عليهم عقلهم اكبر من سنهم فارجو عدم تقيمى على اساس سنى مع انى احيانا ممكن استعيل فيها"
مدونة حضرتك عجبتني
تحياتي لكي
عبدالرحمن شكرا ليك ولرايك
انت اول واحد يعلق على البوست دة
انا محتاجة ردودكم لانى محتاجة دفعة الى الامام
ويا راجل بتقول لفيت المدونة كلها وماشوفش رايك على اى موضوع في اى حاجة انا كتباها
وشكلى هعمل حزب للناس اللى الاخرين بيستعيلوهم
وهبدا بيك
اتمنى فعلا متكونش اخر زيارة
سلام
بصى يا قمر اولا مبروك علىالدبدوب ثانيا انتى طالما مقتنعه بالمدونة فعلى رأى نضال صديقى كيب مووووفينج يا ريس ومع الوقت غير الاستايل غيرى اللى انتى عاوزاه اكتبى اللى تحسيه واللى تقدريه توصليه للناس مدونتك اوضه فى بيتك حافظى عليها وبراحتك فيها
مدونتك كويسه و أنا إللي كنت قلت لكى إنك تقدرى تطلعى كتاب و يا رب يتحقق دا المعرض الجاي
يمكن الإسم لو تغير إلى مصريه بنت تمنتاشر أو أفكار تحت العشرين أو العالم بعيون تحت العشرين ... معرفش بدقه ... يعنى محتاج تفكير شويه الإسم بحيث يكون أوقع
لأنك مبتنميش و النميمه ككلمه لا تنطبق عليكى , دا قصدى
النجاح يأتى إما من الإبتكار أو من الكلام في أضلاع المثلث الثلاثة التى تحقق رواج وهى السياسه والرومانسيه والدين
السياسه يكتب فيها كثيرون الان وطابع المدونين (الناجحين) الاستقلال بدون انتماء لاى تيار ورفض نظام الحكم
الدين مثل موضوع البهائية التى كتبتى فيه وكيف عبرتى بعفويه عن الرآي الطبيعى والمنطقى والذى عجز مجمع البحوث الاسلاميه بكل من فيه ان يقدموه لانهم السبب في مشكلة البهائيين بسبب قرار اصدروه فى ديسمبر 2003
وهذا هو الرابط يبين كيف انهم من صنع المشكله
http://www.alarabiya.net/articles/2006/03/16/22014.html
و أنقل منه هذا الجزء
وكان مجمع البحوث الإسلامية بالأزهر، قد أصدر في شهر ديسمبر من عام 2003. فتوى تعلن أن " الإسلام لا يقر أي ديانة أخرى غير ما أمرنا القرآن باحترامه، فلا ينبغي، بل يمتنع أن تكون في مصر ديانة غير الإسلام والمسيحية واليهودية لأن كل ديانة أخرى غير مشروعة ومخالفة للنظام العام". وطلبت الفتوى من السلطات التشريعية والقضائية والتنفيذية اعمال شئونها في هذا الأمر، ووصفت الفتوى المذهب البهائي بأنه وامثاله " من نوعيات الأوبئة الفكرية الفتاكة التي يجب أن تجند الدولة كل إمكاناتها لمكافحته والقضاء عليه".
هل رأيتى يا مها كيف إنك تفهمى أحسن من مجمع البحوث الإسلاميه؟
أما الرومانسيه فهى مثل إستطلاع رأي البنات والسجاير ومثل رأيك في طريقة الزواج ومثل علاقتك بأخوكى و دفء العائله ودفء الأصدقاء
فالرومانسية مع كل دول العائله والأصدقاء وشريك الحياه وربما مع الحيوانات الأليفه أيضا
مها
أجابتي على سؤالك ردها هو تواجدي المستمر في مدونتك وتفاعلي مع أغلب كتاباتك
أنا بعتبر نفسي نوعا ما من قدامى المتابعين لمدونتك .. صحيح أنا لم أتابعك من البداية لكن منذ قادتني الصدفة إلي هنا أول مرة وأنا أصبحت متابعة دائما لكي
في الواقع أنتي من ضمن الناس اللي بحرص يوميا على فتح مدوناتهم ويمكن بدخل عندك أكتر من مرة في اليوم لمتابعة جديدك
أكيد اللي بيخليني أعمل ده هو أعجابي بالمدونة وبأسلوبك وبالمواضيع اللي بتطرحيها للنقاش
أنا امبارح شفت رد الأستاذ طظ وتوقعت أن ده هيضايقك جدا بس أنا عايزة أقولك ما تحطيهوش في دماغك لأن ده مش رأيي الأغلبية بدليل أن في ناس زي مهمتمة تتابعك دايما وبيدخلوا باستمرا ويتناقشوا معاكي
وعايزة أقولك حاجة كمان أسلوبك الساخر متميز فعلا وهو اللي مدي للمدونة نكهة مختلفة خاصة بيكي وبتعبر عنك وحتى لو في مشكلة ما في طريقة العرض فيا ستي مع الوقت الدنيا بتتغير وأكيد أسلوبك هيتطور وفكرك وعرضك للمواضيع وحتى المواضيع اللي بتناقشيها هيتغير
أنا عن نفسي أبتديت أتطور شوية في أسلوبي وعرضي للمواضيع ولو بصيتي على أول كام بوست عندي هتحسي أن الدنيا بتتغير
وده مش مضايقني لأني جديدة في التدوين فشيء طبيعي أني أمر بمراحل مختلفة
وزي ما قالت آبي المدونة دي بيتك اللي بتكتبي فيه اللي حاساه وعايزة توصليه للناس
مها بجد أنا مش عايزة الموضوع ده يأثر عليكي خالص
ومدونتك متميزة وأنا بحبها واستمري واكتبي وطوري
أنا دايما متابعكي
اسمك مها
بصى يا مها اولا مدونتك بيتك من حقك يكون على ذوقك انتى وتطلعى فيه افكارك انتى وبرحتك انتى الرقابه منك ومقياس الحلو والوحش من عندك انتى ده مبدئيا كونى اكثر ثقه فى نفسك وفى كتباتك وكملى
ومن وجه نظرى مدونتك دمها خفيف جدا
ابى
ميرسى على رايك
واكيد هكتب تانى بعد كلامكم كلكم المشجع ده
الاستاذ الغير معرف بتاع معرض الكتاب
شكرا ليك ولرأيك
بس اعتقد انا بنم على نفسى
وبنم على البلد
وعلى كل الناس اللى اعرفها او معرفهاش
بس عارفة انه هيكون احسن لو غيرت الاسم لانى لحد دلوقتى اسم البلوج مش مميز ومش بيطلع فى محرك بحث جوجل
الاستاذ الغير معرف
شكرا لمدحك فيا انى بفهم اكتر من مجمع البحوث الاسلامية
وعلى فكرة سهولة اسلوبى وكتاباتى بالعامية ده اتجاه انا مصره انى استخدمه هنا
لانى بدرس صحافة وعارفة انه لما تكون عاوز تسمع صوتك لاكبر عدد من الجماهير اتكلم بلغتهم وباسهل اسلوب ممكن بقراه دكتور الجامعه ويفهمة ويقراه عم احمد البقال وبرده هيفهمة
عفويتى مقصودة انا معرفش اللى بيقرا البلوج صنايعى ولا دكترة
انا زوارى من سن 14 فيما فوق
لازم اراعى اسلوب كتابتى عشان كل شرايح المجتمع تفتح البلوج وتفهمه
وانا مش بتقل على الناس بالسياسة الغليظة اللى خلت الناس متتفرجش على نشرة الاخبار
انا بعرضها باسلوب سلس فيه عفويه مقصوووووووووده
فانا اجيد استخدام الالفاظ الغليظة ولكنى لا استخدمها هنا
شكرا لرايك فيا
نفسى تكتبلى نيك نيم بس عشان اناديك بيه
هبه
تصدقى حبيتك من غير ما اعرفك
وعارفة انك متابعة دائمة لدرجة انى اول ما بفتح عشان اشوف التعليقات بدور عليكى وبقلق لو مش لقيتك سايبة تعليق
شكرا لرايك
كلامك ادانى دفعة للامام
والاستاذ طظ دى واحدة وانا عرفتها
ولو مدخلتش تانى هبقى متاكدة انها هلا فعلا
لانى محدش بيزورنى مرة واحدة كدة ويخلع
مش غرور والله بس دايما الناس بتكرر زياراتها ليا
رئيس جمهورية نفسى شكرا لرايك جدا
اتمنى تكون مدونتى فعلا بالوصف اللى انت بتوصفه ده
والله انا مش متابعه من زمان لانى جديد فى الموضوع ده بس انا رايى من رايى appyكمان انتى ليكى اسلوب جميل ومقبول .بس يا ريت وانا داخل المره الجايه الاقى حد يعمل شاى
قبل ما هتكلم على السؤال بتاعك ليه سؤال ليكى
هو انتى مش مقتنعه بنفسك ولا ايه
ولو محدش هيقولك حلوه فى الاول والاخر دى مدونتك انت بس
بجد مدونه حلوه
تايه ومش تايه شكرا على تعليقك
والمرة الجاية هحطلك الشاى والسكر والمية المغلية وانت اعمل بنفسك بس اوعى توقع حاجة على الارض
صوت من مصر انا كنت مخنوقه وهمسح البلوج
ومكنتش عاوزة اعمل كدة لانى كنت هزعل بعد ما امسحة فقولت لو انتم شجعتونى هكمل ولو طلعت مدونتى اى كلام هجيب ضورفها وهاهد المعبد
ولو انها متأخره بس المدونه جميله بسم الله ما شاء الله
والا مكناش نتواجد فيها باستمرار
عبد الرحمن فارس
شكرا ليك
ومتتاخرش تانى
حلووووووووة
ودمها خفيف
غمض عنيك
ميرسى ليك
Post a Comment