الواد الرخم:مساؤه قشطة
البنت:يا سم
البنت بتمشى بسرعة عشان يسيبها فى حالها
الواد الرخم:طب مالك ماشيه بسرعة كدة لية انت وراكى مشوار
البنت:لا ورايا حمار
الواد الرخم:طب ليه كدة بس ده انا معجب
البنت هتمشى وهو هيزهق وهيتزحلق
بس فى حاجة الموقف ده وانتى لوحدك يا حلوه وانتى مش معاكى حد
الموقف التانى
البنت وخطيبها ماشيين وشاب او شباب رخمين ماشيين سوا
الشاب الرخم:يا كااااااابتن, زوقك حلو والله
خطيبك بيبصله بقرف واتنرفز
البنت بتقول لخطيبها سيبك منه لكن خطيبها على اخره
الشاب الرخم لم يكتفى
الشاب الرخم:بس انا اول مره اشوف قمر فى عز الضهر
مزه مزه يعنى
خطيبك :لا بقة دة انت عاوز تتادب تعالى وانا امزمزك ده انا مش خلى الدكتور يعرف يخيط فيك غرزة
دة لو خطيبك دمه حامى
اما لو خطيبك واد كتكوت
خطيبك:ربنا يسامحك وعلى فكرة اللى انت بتعمله ده غلط
ومش عارفة فى واحد وسط ولا اية يعنى فى رد فعل تالت ولا لا
تيييييييييييييييييييييييييييييييييييييييييييييييييييييييييييت
انتهى البوست
لاول مرة مش هكمل البوست انتم اللى هتكملوه
عاوزة راى البنات
لو الموقف ده اتحطيتى فيه يبقى نفسك خطيبك يدلو شلوت ومقلب حرامية ويعورله عينه
وتحسى انك مخطوبه لكرم جابر
ولا يعمل فيها مش سامع ولا رايك اية بالظبط؟
وعاوزة راى الشباب
لو حصلك الموقف ده
هتتصرف ازاى هتروح تضربه ولا هتقصر الشر؟
انتظر تعليقاتكم
69 comments:
لا طبعا اروح خطيبتى وبعدين اكسر عضم امه بجد
ويعكسها ازاى هى ماشيه مع قفص فراخ ولا ايه ؟
عموما اول تعليق
ازيك....هههههه انا كولد ممكن أخاف امشى فى الشارع مع موزه لكن انتى مش معايا ان الزمن ده بقى غريب؟ لدرجة انك كبنت (اعتقد كده) بتقولى كلمة "موزه" بمنتهى البساطه كده؟ انا مستغرب فعلا
اما لو حصل ليه الموقف ده هعمل عبيط لأنى فى الشارع وبعدين حبيبتى عمرى ما أخرجها بلبس مش تمام وممكن تقوليلى تزمت وكلام مش عارف ايه لكن اللى يحب حد بجد لازم يحافظ عليه وطول ماهو شايفها ماشيه محترمه مش هيقولها موزه ولا حتى نوزه
تحيــــــــاتى
المصـــــرى
صوت من مصر شكرا لتعليقك وانشالله دايما اول تعليق
والله مش انا اللى كنت بقول
ده الشاب الرخم
ودى الفاظ الشباب
وانا مش هستحى واحط راسى فى الرمل مقابل انى مقولش الحقيقة كما هى
انا صريحة ومفيش الا لسان
زعلان من صراحتى براحتك
بس جراتى هى اللى حببت البلوجرية فيا
هو لازم عشان ابقى بنت مؤدبه اتسهوك؟
ثانيا
مش اللى بيلبسو خليع او قصير بس هما اللى بيتعاكسو ولا الحلوين بس هما اللى بيتعاكسو
انا صاحبتى المنقبة كانت ماشية معايا وقعد يتغزل فى عنيها
وانا بلبس اقل حاجة بلوزة او تونيك
مش بديهات يعنى ومع ذلك محدش سايبنى فى حالى
يعني منتظرة ايه يعني
لو انتي بتدوري على شاب كيس جوافة مش هتلاقيه هنا
و لو كان موجود مش هيقوللك انه هيقوله ربنا يسامحك
قال يعاكسها قال
ده لو بصلها هتكون هيا اخر حاجة يشوفها
أوك شكلنا مش هنتفق لكن مش مشكله الآراء الكتيره بتزود المعرفه انا ضيفتك فى مدونتى اتمنى أكون مش بكون بايخ
المصـرى
ملك الكبده عادى يعنى
ماهو مش هيقول انا كيس جوافة
هو ممكن يقول انا مش هعمل مشاكل وهى معايا ابدا
وده راى يحترم
انا مش بعمل دعوة بقول فيها للشباب اتخانق ولا بقوله طنش
كل واحد يقول رايه بصراحه والاتنين رايهم انا بحترمه
المصرى
عادى الاختلاف فى الراى لا يفسد للود قضيه
انا مش متوقعة من كل زوارى انهم يكونو متفقين معايا
انما مش تنتقض على طول كدة:)
اكيد مدونتى فيها حاجة حلوة
ولا انت شايف كل اللى فيها وحش وبس
وانت مش بايخ وشكرا لاضافتك
بصي يا مها
معروف إن الرجل أقوى من المرأة
والمرأة بتبقى محتاجة تحس إن الراجل اللي هيا مرتبطة بيه يقدر يحميها
مش كيس جوافة أو جبان
بس في نفس الوقت
في الزمن اللي احنا عايشين فيه
ممكن تكون نتيجة خناقة زي دي مؤسفة للغاية لو الرخم ده معاه سلاح أبيض مثلا
بس زي ما قلت أنا كأنثى هأبقي محتاجة أحس أنه يقدر يدافع عني ويحميني وإلا يبقى ايه الفرق بينا
ملحوظة
زي ما قال الكبده
مفيش حد هيقول على نفسه أنه كيس جوافة
تحياتي
اولا بجد بلوج جامد ودمه خفيف
انا لسه شايفاه دلوقتي بالصدفة بس بجد شكله حلو اوى.. ومش محتاجه اقلك دمه زي العسل
اما بقى موضوع كيس الجوافة اللي انتي بتقولي عليه ده...فانا مش متفقة معاكي ولا مع كل الجدعان اللي هنا... مش معنى انك تطنش الشباب الصايع ده انك كيس جوافة او تامر... بس انت لو شتمتهم او ضربتهم ده مش رجولة ابدا... انت بتنزل مستواك ليهم ده اولا...ثانيا لو شتمت بس فده معناه سوري انك مش متربي كويس
ومن موقعي هذا فانا بعلن موقفي الرافض للخناق وممكن ببساطة دا لو ماشية مع اللي مامته داعية عليه ده وحصل موقف زي ده... هيقوله احترم نفسك وخلاص على كده... ومش هقول عليه كيس جوافة بالعكس انا هقول عليه واحد مؤدب ومحترم
ده ميمنعش ان اي بنت بتحب سبع البرومبة اللي ماشية معاه يفرد عضلاته... بس ده طبعا مش بيغير موقفي
لو هيا ماشية معايا بلبس محترم و احنا ماشيين محترمين
و هوا واد رخم واحد حأتخانق معاه
انما لو اكتر من واحد حأشتمهم بس
:)
الواحد عارف قدراته برضه
و أنا مش مازنجر و لا جريندايزر
بس مش شرط الخناق في ساعتها
ممكن أروحها و أرجع لهم بشوية عيال يأدبوهم
و ممكن أبلغ فيهم البوليس يجيي يلمهم
و اوصي عليهم واحد معرفة يروقهم
فيه حلول كتير للموقف
مش حل منفرد
:)
والله الانسان عنده مخ يشوف هيضرب ودام خطيبته ولا هيضرب
وكيس جوافه على العموم احسم من عصير جوافه
انما لو هيضرب يبقى بلاها جوافه خالص
دى اول زياره ليا هنا والمدونه تحفه اتمنى نكون اصدقاء
هبه
هو اكيد مش هيدخل خناقة هو عارف انه هينضرب فيها
اكيد هيدرس الموضوع الاول:)
وكمان اللى مش هيتخانق مش كيس جوافة
يمكن انسان مسالم
انا مكنش قصدى وانا بكتب البوست انى اخليكم تاخدو فكره وحشة عن اللى مش هيتخانق
يمنى العسوله
اول واحدة متعارضش على ان خطيبها ميتخانقش
وعلى فكرة انا مش بنصر الشاب الىل عاوز يتخانق وبقول انه جدع
ولا بقول ان المسالم خيخة
الموضوع اراء
ويتقاس حسب الموقف نفسه
مهندس مصرى
احلى رد والله
كلام عاقل
او اكتر من واحد الكترة تغلب الشجاعة والقوة كمان
وكمان لو هى محترمة يبقى اتهانت وقذفوها وهى محصنة
انما لو نص ونص
فهى اللى غلطانة مش هما وانا مكنتش بتكلم على الانسانة النص ونص دى انا كنت بتكلم على المحترمة
بطوط حبوب
كلامك صح
الواحد ميدخلش خناقة الا لما يكون عارف ابعادها
:)
اتمنى متكونش اخر زياره
سؤال
هل البنت _ أى بنت _ هتكون مبسوطة و هو خطيبها بيتخانق و الشارع ملموم , و هات يا ضرب , و هات يا ألفاظ
بأى حال من الأحوال , و أياً كانت نتيجة الخناقة , مش هيكون غير الاحساس بالندم
يعنى بصراحة لا الظرف ولا الصحبة هيكونوا مناسبين لخناقة
شىء من الجوافة و البعد عن العنترية و المظهرية , هيكون هو الحل الأمثل , من وجهة مظرى طبعا
و طبعا فيه ظروف استثنائية بتنسف كل الكلام اللى انا قولته
تحياتى
جميز
انا تنحت واذبهليت
مش عارفة اقولك اية
بنجتنى يا استاذ
هما الشباب فاضيين
عشان المعاكسات
ايه الارقف اللي بقنا فيه؟؟؟
انا حموت الشاب الرخم و حمرمطه
انتي عارفني انا بعضلات
و العكس
ههههههههههههههههههههه
تحياتي
بص يا بشمهندسه انتى هو الزمن ده بصراحه يعنى الاخلاق راحت فيه فى شجرة زمان كده كانت النس بتحترم نفسها انما دلوقتى لا بس بصراحه مشوفتش واحد بيعاكس وحده مع خطبها الا دى بتبقى فى منطقه ايه يعنى علشان اروح اتفرج يعنى بصى عباس العقاد ومدينة نصر الناس فيها بتعاكس طبعا القاهرة الجديدة لا لان اغلبيتهم عندنا هناك اجانب او اولاد ناس قوى ومعاكستهم شيك بس عمرى ما شوفت الموضوع ده عموما لو مع خطيبى عمرى ما هخليه يتخانق او حتى صحبى هقوم بالواجب انا ههههههههه لا طبعا بصى هنلم الدور علشان منهزقش نفسنا
واسعه شويه حكاية شباب تعاكس واحده ماشيه مع خطيبها دي...
الا اذا كانت
over
وساعتها ماظنش ان اللي ماشي معاها ده عنده دم أصلا عشان يتحرق والا كان اتحرق لما شافها
over
وكان لمّها الاول...
يا اما هما الاتنين شكلهم غلط ولا مخطوبين ولا يحزنون...
بس بشكل عام طبعا لازم يتنرفز ودمه يفور ويمسك في خناقهم
وانا اوقّف أول تاكسي وشدّه وقوله يالا بلاش مشاكل وفضايح..؟
دمك شربات والمدونه لذيذه قوي
تحياتي
الأستاذة مها.....
عاوز أقول حاجة ....تعقيب بسيط على تعليق الأستاذة يمنى...من السهل قوي إن الواحد يقول..ويتكلم ...بس لو الواحد إتحط في الموقف ..هيبقى الوضع حاجة تانية...
وأنا معاها في موضوع رفض الضرب والخناقة...بس عقول الشباب الطايش إلي بيعاكسوا...هتزيد في المعاكسة ...لحد ما يطر الأخ المحترم إنه يتشاكل ...لو إتشاكل هتبقى العواقب جثيمة ...من كثرة عدد الشباب الطايش وأسلحتهم البيضاء...
فا كأنك تكلمي عن حاجة زي دي في العصر ده....فدي حاجة مستحيلة...
.....
دا كان تعقيب صغير بس على الموضوع ... وجميل منك قوي إنك تكتبي موضوع زي ده...
عموما لو انا إتحطيط في الموقف ...هكون رافض الخناق تماما ...ل
أن ممكن أعرض خطيبتي للخطر ...
دا كان ردي في الموضوع ....
وفي حاجة كمان ..إنتي ما قولتلناش رأيك لو إنتي إتحطيتي في الموقف ده...
مش معنا إحنا...
ههههه
تحياتي لكي
عروس البحر
والله هما فعلا بقوا فاضييين ومحدش يلومهم
مصر مفيهاش شغل
والعراق اللى كانت لماهم قفلت
والسعودية خلاص اللى سافر من الاول سافر
واساسا اصبح الحصول على عقد عمل مش سهل اليومين دول
ابى
اولا انا مش بتكلم على نوع المعاكسة شيك ولا لا
اهى فى الاول وفى الاخر تندرج تحت بند معاكسة
والكلام دة بيحصل مع واحدة وخطيبها واحدة ومامتها
وشوفتو بعينى وانا خارجة انا وخطيبى كان فى واحد بيتخانق على مرمى البصر كدة ولما قربنا بحكم اننا كدة كدة كنا هنعدى من الشارع ده
لقيناه بيتخانق مع مجموعة شباب عاكسو خطيبتوا ولا حبيبته باين
وكان الواد ماسك التلاته مبهدلهم ومعورهم كمان
اوشه
اكيد هى لو لابسه
over
مش من حقه يتكلم اصلا
ميرسى ليكى
عبد الرحمن ياسين
ميرسى لتعليقك وميرسى لمدحك فيا
وانا مش هقول رايى ايه
لسبب
عشان لما حد يرد رد معاكس ميبقاش بيهاجمنى او بيرد عليا انا عاوزة اسمع رايه هو مش رده على رايى
سلام
انا زوجي مابيسكتش بس انا عاوزاه يسكت
المفقوعة مرارتها
يختلف ردالفعل من راجل للتانى
بس لو عاوزاه يسكت
حاولى معاه بذكائك
انا جييت عشان ارد الزيارة
لكن الموضوع ده او البوست ده اقل كتير من مستواكى اللى اتعودنا عليه
اسف لو تكلمت بصراحة
تحياتى
وشكراً لزيارتك ولتعليقك
لا طبعا انا ما اشجعش انه يتخانق وانا معاه او حتي وانا مش معاه
واذا كان اللي بيعاكش مش محترم ما احبش انه ينزل لمستواه او حتي اقل وما اعتقدش ان فيه واحد بيفهم هيتخانق وخطيبته معاه
على فكـرة أنا ممكن أعمل نفسي مادخلتش عندك أصلاً ، عشان أخلـص من الورطـة دي، بـس غالبًا الموقف مش بيبقى خطير، والفكـ{ة إني مش هقطع حـد ولا حاجة، ممكن أكلمه كلمتين، وأنسحب بهدوء، لو زودها هتنرفز عليه !! ، لو هوا بقى قاصد يضايقني ، فده هتبقى ليلة اللي جابوه سودا !!
أنا كنت ماشي مع بنت مرة ف وسط البلد ف القاهرة وبعدين واد صغير كده هو مش صغير أوي يعني عاكسها فأنا حسيت إنها مخدتش بالها فانا مخدتش بالي أنا كمان :)
لو انا مكان صاحبنا خطيبها
هقوم قايلها روحي انتي
وهامسكه افرومه ومخليش في جسمه حطه سليمة
هو اللي ماشي معاها ده راس كرومبه يعني
ولا كيس جوافة
معلش ببقى
اول زيارة عنيفة شوية
ربنا يستر علينا
والله سؤال مهم ياترى هتعمل ايه ياواد يامحمد
اكيد هارد ولو رديت اكيد هتخانق بس لو اتخناقت مش اكيد مين اللي هيضرب ومين اللي هيتضرب
طبعا دا بفرض ان الموضوع فعلا وصل لمرحلة ماينفعش السكوت عندها واظن لو تصويرك للمشهد ده حصل يبقى هو دا كفاية انه يولعها
تحياتي
محمد سمير
بصي انا قلت انتي مش هتسيبينا غير لما حد يتعور
المهم يعني
انا برده من رأي المصري ان الواحد اصلا لو ماشي مع خطيبته وهي لابسه محترم محدش هيتطاول قوي بالكلام
انا معاكي انه ممكن يستهبل ويسبلها
وسواء انا اخدت بالي او مخدتش طبيعي هي هتطنش لأنها اكيد مش اول مره واحد سافل يستهبل فيها
لكن لو انا اخدت بالي كفايه ابصله بصه يتلم بيها مادام مفتحش بقه اصل لو كلمته هيقولي هو انا قلت حاجه يا عم
لكن بقى فكرة انه يقولها يا مزه والكلام ده انا بقولك محدش بيتطاول لدرجة الكلام والسفاله الا لو كانت لوحدها علشان احنا شعب فيه ناس واطيه كتير يعني
لكن لو معاها حد مهيفتحش بقه بالكلام الا في حاله واحده ان يكون لبسها اوفر قوي ومحدش يقولي اللبس حريه شخصيه مادام هي حره تلبس زي فتيات الليل وهو حر يسيبها تلبس كده يبقى الصايع حر انه يعاكسها بأيده مش بس بلسانه
عارف ممكن كلامي يكون رخم بس هو ده رأيي
سلام يا بنت يا شقيه
سلاام
ممش هفكر إني أحط نفسي في موقف زي ده لأن لو فكرت أمشي مع خطيبتي في الشارع ،فمعنى إنها خطيبتي يعني معدية على كشف هيئة تمام ومفيهاش حاجة تستدعي لفت أنظار الناس ليها إلا إنها هتكون زي القمر وده في حد ذاته مشكلة لأني أنا شخصياً ببص على وجوه البنات والولاد وأشوف لو بنت أمورة مع ولد معفن بتدايق لكن خلاص الموضوع عدى مش هروح أقولها إيه الحيوان اللي إنتي ماشية معاه ده
فلو اتحطيت في الموقف ده وحد فكر يبص بس ومشي همسك نفسي لكن لو تعدى المرحلة دي هتكون آخر مرحلة وصلها بمجهوده الذاتي لأنه بعد كدة هيكون في مكان تاني خالص
مش كلام بس والله وميهمنيش أدامها ولا أدام الناس أتضرب أضرب المهم إني هعلم الناس الأدب وأنا بقى اللي هغير الكون
معلش أنا يمكن يكون كلامي غير واقعي شوية في الموضوع ده
أنا مش جاي أقول رأيي لا سمح الله في البوست بتاعك لأني خريج حقوق وطبعا أنتي شايفة أنهم عالم حيوانات زبالة الثانوية
أنا جاي أقولك بس إنك بــــت بضان نيــــك وأمثالك هما اللي بضنوا شباب البلد بخيالهم البضان ده
شكـــــرا وبضاني مش هتستحمل أقف ع مصطبتك أكتر من كده
ده موقف اغلبنا بيتعرضلو .الاحسن بجد انك تمشى ومتديش اهتمام للى بيعمل كدا .لانك اما بتديلو اهتمام بتعملو قيمه .كمان يا ريت نخرج من بيوتنا محترمين .ده احسن بكتير
انا يا ستي لو في الموقف دا هكون عاوزه خطيبي يعمل فيها مش سامع والموضوع ينتهي وخلاص ... بدل المشاكل بقى واللي رايح واللي جاي يتفرج علينا ... واحتمال لوعملها مشكلة واتخانق يتعور وانا بقى هخاف عليه اوي :)
حلو اوى اوى اوى ...تعرفى انا حصلى فعلا الموقف ده وكنت مستنيه خطيبى فى الشارع وشاف واحد عسكرى بيعاكسنى ويضايقنى قام جه عليه بالعربية كان هيدوسه ويا حرام خد حتة علقة مووووووت
بسم الله الرحمن الرحيم
انا احب اوضح ان الحكم المسبق على احد الآراء بأنه كيس جوافة دا ممكن يؤثر على ابداء الآراء لكن مش مشكلة مالها الجوافة يعنى؟
نيجى للمهم
انا اعتقد ان بنات كتير مش هاتحب ان زوجها يتخانق فى موقف زى دا , وانها هاتشعر بأهانة اكبر لو تطور الموقف اكتر من مجرد الكلام , وهنا الحماية اللى لازم الراجل انه يوفرها انه يكظم غيظه ويتحاشى تطور الموقف , وللعلم الرجل اى رجل بيشعر بالغضب والغيظ الشديد لو حصل موقف زى دا , لكن الرجل الحق هو اللى يعرف يقدر الموقف ويحرص على مشاعر زوجته ويحافظ على كرامتها , اما الذى لا يشعر بالغيرة فهذا هو الديوث ودا لا اتكلم عنه .
بصراحة دا رأيى الشخصى ودا تصورى للأسلوب الامثل لحماية اللى معايا , مع الاستعداد الكامل للتضحية بكل شىء حتى الحياة من اجل حماية شرف زوجتى .
يعنى المسألة مش مسألة جبن ولا شجاعة او ضعف ولا قوة دى مسألة تقدير للموقف , وللعلم فى بعض الحالات ممكن يكون استخدام الرد اللفظى ضرورى , يعنى كل الاحتمالات مطروحة .
ههههههههههههههههه
قليل اما خليت شوارع
يا ما تعويرة ف الوش
ع مفيهاش معلش
raspoutine
والله هو تعتبره مش بوست اوى هو استطلاع راى
ولو شايف انو ضعيف ده رايك انا مش هناقشك فيه
وزيارتك شرفتنى على كل حال
سنوايت
اكيد الخناق فى حالات بيبقى سلوك غير حضارىلكن فى بعض الاحيان الناس مش بتعرف تمسك نفسها
ابراهيم
دمك خفيف على فكرة
وحاول تمسك نفسك ومش تتخانق على الفاضى والمليان
لكن لو استفذك حد فى موقف زى ده ابقى قولى
احمد منصر
طالما الواد كانصغير الموضوع مش مستاهل
تلايه بيقلد الاكبر منه
تقليد اعمى
جمعاوى اصيل
زيارتك شرفتنى
وشكلك كدة عصبى حبتين
لكن شرقتنى وكررها
غمض عينيك
واله حسب الموقف
بس فعلا مش كل المواقف اللى الواحد يتخانق فيها
فالحليم هو اللى بيعرف يكظم غضبه
الشنكوتى الكبير
كلامك حكم والله يااخويا
ولو هى لبسها اوفر تستاهل اللى يجرالها
الاستاذ
غير واقعى ليه
فى كتير رايهم من رايك
وشوفت نفس رد فعلك ده فى الشارع
عادى يا استاذ
واحد مبضون
مش هرد عليك
وعلى فكرة
انا خالى محامى يعنى مش بكرهكل بتوع حقوق لكن بكره اغلبهم
وهسيب تعليقك هنا عشان كل اللى يعدى يشوفه
ويعرف مستوى ردودك وبيئتك
ولا يشرفنى مرورك بمدونتى مرة اخرى
تايه ومش تايه
اكيد كلامك فى الجون
green eyes
باين عليكى بتحبى خطيبك اوى
ربنا يسعدكم
جنه
صيحة طول عمرك يا عسل يا ام مدونة سكر
محمود المصرى
اكيد كل معاكسة ليها موقف معين يختلف عن التانى
المهم يكون فى فعلا حسن تقدير للموقف
كفراوى
حلوة تعويرة الوش مفيهاش معلش دى
عجبتنى
متقطعش التعليقات
قصدى الزيارات
موضوع البوست جامد مووووووت
والأراء كلها عسل
بس بصراحه أنا لو حصلى الموقف دة وانا مع خطيبى كنت اتمنيت ان الأرض تنشق وتبلعنى
اولا لنى بخاف من الخناق موووووت دة لو كان دمو حامى يعنى
وثانيا لانى كنت هتصدم لو طلع دمه بااااااارد
بس اللى كنت احب انو يحصل انى احس منو انو هيموت ويروح يكسرلهم عضمهم بس انا ماسكاه بالعافية وفى ناس متدخلة عشان اكيد انا هخاف عليه اوى لان واحد مستهبل زى اللى بيعاكس دة مش بعيد عليه انو يعمل فيه اى حاجة بس محبش انو يتخانق قدامى يعنى ولا من ورايا ربنا ما يجيب حاجة وحشة
ألا عملتيلى ايه فى موضوع العرييييييس ملقتيش اى حاجة لسه؟؟؟
هههههههههههههه
تحياتى على البوست الجامد دة
هههههههه يامها
ده مين ده اللى يعاكس واحده مع خطيبها ده يبقى جبار اوى
الا اذا كان مستهيف خطيببها وشايفه شاب نايتى
الصراحه لو حصلت معايا يعنى
هحبه يمسكه يطحنه طبعا
تحياتى
سهر الليالى
شكلك مش بتحبى الخناق
لكن فى نفس الوقت عاوزه تاخدى حقك
وانتى محتارة بين الحلين
لانك بيهمك راي الناس ويهمك كمان خطيبك اللى بتحبيه
يا بخته
عموما مافيش حد بيمشى فى الشارع
الناس ايما فى العربيه
او فى المول
او فى المطعم
والحجات دى مش بتحصل فى الاماكن دى
لكن لو فرضنا وده حصل
يبقى هوقف تاكس واركبها
واخلى الدكاتره تحتار فيه بس بعد ماهى تمشى
واكون اديتها الموبيل والساعه
واخلى البطاقه ممكن احتجلها فى القسم
تحياتى
وعاوز اقولك حاجه مهمه
الولاد بتحترم بعضها جدا لو معاها حريم
بمعنى انه اصيع واد بيحترك طفل لو ماشى مع واحده
يعنى لو واحده معاها اخوها حتى الصغير
الشباب بتحترم رجوله الولد ده ومتعككس اخته وهو معاها
كمان البنات الى بتتعاكس معروفه
شكلا وموضوعا
فهامانى صح؟؟؟؟
تحياتى
momken
بص يا سيدى المواقف دى حصلت قدام عينى وحقيقية
بس ربنا يوفقك وتلاقى تاكسى ساعتها
واكيد انا عارفة نوعيه البنات المستفزة اللى انت بتتكلم عنها
انا جيت قريت الموضوع ده من زمان قوي وكنت فاكر ادخل اعلق لكن تقريبا اتشغلت في حاجه ولا محتاجه
المهم
انا لو ماشي مع خطيبتي او مراتي او حبيبتي وحد عاكسها ولا قال جمله وحشه عليها .. هحاول اني ماتخانقش مش عشان انا خايف على نفسي .. بس هخاف على البنت اللي معايا واللي انا بحبها وبحترمها
ولو الموضوع ده حصل واحنا قريبين من بيتها هخليها تروح بيتهم وتطلع واتطمن عليها .. وارجع اشوف اللي بيعاكسها
سلامووووووووووووز
soooooo
متتشغلش عننا تانى
وشكرا لتعليقك
هممممممم
طب ليه الإحراج ده :)
بصي يا نميمة
مشكلتي بالرغم مما أبدو عليه من وداعة لكن لما بتنرفز بجد ممكن أعمل أي حاجة
أكيد ساعتها حتنرفز وبدون مقدمات حرقعه حتة قلم عمره ما كان يحلم بيه، بس المشكلة "حتتحسب لي نقطة" على رأي سعيد صالح في مسرحية العيال كبرت، لكن المعاركة في النهاية لن تكون لصالحي أبدا :)
"تقرير الاسعاف قال انها كدمات أدت إلى غيبوبة"
ههههههه
د.اشرف
حلوة حرقعة قلم مكنش يحلم بيه
يلا خليه يتربى
اللى مربهوش اهله
يربيه د.اشرف
متهيالى انا لو خطيبى معملش حاجة هاسيبو فورا,انا مش مخطوبة على فكرة بس اصدى انو فين النخوة انا مقولتش يعمل فيها سبع رجالة فى بعض وبليز لكل الشباب اللى هنا اللى بيعاكس او يعرف حد بيعاكس ارحمونا با واللهى حتى البنات المحجبة واللى بتمشى فى حالها بردو بديوانا فكروا ان ممكن تكون اختكم فى الوضع ده
برينسس
محدش بيراعى انو ممكن اخته تتحط فى موقف زى ده
لو كان بيفكر كدة مكنش حد هيعاكس بنت
أنا بعتقد ان الموقف ده مش ممكن يحصل وأنا مع خطيبي أبداً لسبب بسيط
أنا ماشية مع راجل يعني أي واحد مش هيقدر يعاكس لانه هيخاف من رد الفعل ولو حصل يبقى أكيد في حاجه غلط في الشخص اللي ماشي معايا
لكن برضه الزمن ده بقى فيه عجايب فلنفترض انه حصل الهمجيه مش اسلوب حضاري طبعا واعتقد ان خطيبي لو اتكلم " وهزأهم " بالراحه هيكون افضل بكتير من الصراخ والضرب والحاجات دي
شكرا لطرح الموضوع
Post a Comment