Sunday, February 1, 2009

مين بيحب ربنا


يمكن البوست ميكونش طويل بس هيعرض موضوع مهم بالنسبة ليا

اسم الله

طبعا كلنا عارفين انه ميصحش نهين اسم اللى فى كتاب او مذكرة او الكلام دة او ندخل بايه قرآنيه الحمام او مكان نجس عموما

مين بيعمل كدة؟

افتح كتاب كليتك اللى طول السنة ماشى بيه وانت متعرفش فيه ايه هتلاقى بسم الله الرحمن الرحيم ويمكن ايه صغيرة تحتها كمان وانت طول السنة تحطه على اى رصيف ولا اى سلم فى الكليه وتقعد علية دة ان مكانش على الارض كمان

شوف الجورنال اللى كل هواه قراءة الجرايد فى الحمام بيدخلو بيه الحمام وهو مكان نجس طول ما ما غطا الكابينية مفتوح لانه وهو مغلق ممكن تتوضى فى المكان نفسة اذن هو مش نجس طول الوقت

الجورنال كتير بيكون فيه مقال مستشهد بايه قرانيه او فيه بسمله وندخل بيه الحمام

والمحلات تصفى عليه زيت القلية ويترمى الجورنال على الارض او فى الزباله ونلمع بيه الازاز وغيرهوغيرة

وممكن يكون فيه اسم الله او البسمله كامله او الايه القرآنيه

ينفع كدة؟

ماهو حاجة من الاتنين يا متكتبوش اسم اللى فى الحاجات اللى ممكن انتو عارفين ان اسم الله ممكن يتهان فيها

او

منستخدمش احنا كل الحاجات دى

وفى ناس لا عملو كدة ولا كدة بس عملو حاجة جديدة

وهما جريدة الوسيط الاعلانيه

لما تجيبها اقرا مقدمتها من فوق هتلاقى(هذه النشرة تحتوى على ايات قرآنيه)يعنى عملو توعيه عشان من الاول متهينش الورق اللى ممكن يكون مذكور فيه اسم الله وانا شوفت نسخ مكتوبه عليها كدة ونسخ لا

عارفة ان البوست دة مش من نوعيه البوستات اللى بكتبها

بس مش بذمتكم تزعل انك طول النهار تشوف اسم اللى بيتهان ومتعملش اى حاجة تمنع دة او توعى الناس؟؟؟؟؟

انتظر تعليقاتكم

Sunday, December 28, 2008

دى عادات دى تقاليد



فى الاول كدة وحشتونى اوى مش عارفة بقالى قد ايه مكتبتش ومش عارفة انا هرجع اعرف اكتب تانى ولا لا يعنى مش عارفة كتاباتى هتشوفها ازاى دلوقت

المهم نددددددددددخل فى الموضوع ..اه مانا جايه النهاردة اقول موضوع
بالظبط كدة اللى عنوانه شفتوه فوق دة
الجواااااااااااااااااااااااااااااااااز وسنينه اه من الجواز مش الجواز اوى يعنى انا اقصد التوابع
اييييييييوه من اول الصباحية والمسائية والضهرية والعصرية والمغربيه
اول ما الناس جاتلى فى الصباحيه تسلم عليا واللذى منه ماما خدتنى على جنب
وقالتلى هو فيه ايه؟
قلتلها فى عصير جوافة وبيبسى كولا عدو الشعب
قالتلى انتى هتستعبطى يا بت
قلتلها لا هستهبل فى ايه بس

قالتلى انتى مش هتفرجى ضيوفك على الشقة انا مش قلتلك قبل الجواز ان لازم الضيوف تشوف شقة العروسه
(اه منكم يا نيتكم السودا انتو فكرتو هتقولى ايه وعاملين فيها مؤدبين)


قلتها اه صح يوم ما علمتينى ابقى مرشد سياحى فى الشقة

قالتلى بالظبط كدة يا حبيبه امك
انا:يا كزوفى يا كزوووووووفى(حمر خجلا) هههههه

بعد العصير والسلامات والتحيات والقبلات والحديث على ما عدى وفات ومن هو حى ومن توفى ومات

انا:اتفضلو يا جماعه مش هتشوفو الشقة
هنا اوضه السفرة حيث عقد غداء عمل بين الملك فاروق الاول والملكة انيسه الخبيثة الرابعة
وهنا اوضه الانتريه حيث لا يجلس الا من كان بيه ابن بيه
وهنا الصالون حيث نحن مجتمعون
وهنا اوضة النوم حيث....ننام ونقوم
وهنا اوضه الاطفال (ادعو قولو امين والا هغزك انت وهو) ايوة كدة
وهنا بقة المطبخ حيث نحضر الطعام الملكى للملك فاروق الاول والاخير والملكة انيسه الخبيثة(انا مش قلتلكم انهم اتغدوا على السفرة برة) ودة بقة الحمام هى هى هى هى هى هى هى هى هى لزوم اللــــ والذى منه وكل سنه وانتو طيبين ويعودها سنه سعيدة عليكم
بس طبعا انا كدة معملتش الواجب
تخيلو الناس الى تيجى تزورنى كل واحد ينقى ميعاد ويجى على مزاجة يتصل قبلها بشوية ويقولى انه جاى وكل حد يجي اعمله مرشه سياحية الا ان محدش رضى عنى لان جولاتى مكنش فيها التفاصيل اللى كل الناس كانت عاوزها
يعنى مثلا انا مفتحتش دولابى عشان يعرفو او يتفرجو انى جايبه هدوم جديدة ومفتحتش وريتهم الفوط والبرانس والطرح والكيتش ماشينى وطقم الصينى واطقم القهوة (مع اننا بلد متشربش قهوة ومشروبنا الوطنى هو الشاى بس ازاى بقة) ومورتهمش المفارش ومطلعتش الشقة كلها من مخابئها
وموريتهمش الدهب تانى سورى اقصد عاشر وموريتهمش حاجات كتير كانو عاوزين يشوفها
طب بالذمه الناس بتسال العنوسة بتزيد ليه وهما مش فاهمين ولا فاهمين ولا بيستعبطو؟
اكيد طبعا فاهمين وبيستعبطو


طب ماشى انا ممكن اكون متيسرة الحال وانت متيسر وانتى متيسرة

طب والباقى ياناس مين يقدر يجيب الحاجات دى كلها والله العظيم تجهيز عش الزوجية دة مكلف جدا حتى لو كنت شادد الحزام ووالله بردة لو الحزام اتقطع من كتر الشد بردو مكلف

ومفيش كلمه اضيق الحدود يعنى ليه بنجيب كل الصينى دة ويبقى للعرض بس مش للاستخدام عشان تملى النيش والكلام دة ويجيبو بدل طقم اطباق صينى كامل 3 اطقم واحد صينى وواحد اركوبال وواحد بيريكس وواحد بوردة مشمشى عشرات اطقم الكوبايات للشاى وغيرها للقهوةكل دة للعرض لان ى حاجات تانية بتيجى للمطبخ للاستعمال اليومي
ولا الحلل البرستو والتيفال والصاج والاومنيوم و.. و... مش هطول عليكم البنات تشرح للشباب بقة والشاب يسال ماماته وهى تشرحله

الجواز بيكلف الافات



لا واللى زاد وغطى لازم الناس تتجول فى الشقة وتفتح النيش عشان يعرفو انتى جبتى ايه والا تبقى سمعتنا ايه الناس يقولو مجبنا ش حاجة تؤتؤتؤ ميصحش
ولازم تفتحى الدولاب عشان يتممو على الحاجة جبتى لبس جديد ولا دة القديم بتاع قبل الجواز وجبتى 40 فوطة ولا 10 بس
لا وطبعا انافة المصريين لازم منحرجش نفسنا والناس تقول علينا ايه لازم نشرف نفسنا ونشرف بنتنا ويستلفو ويعملو جمعيات ويفضلو مديونين 10 سنين بعد الجواز بسسب التشريفة اللى لازم يدخلو بيها ويتشرطو على العريس كما ولازم تجيب وتجيب وتجيب هو احنا بنتنا شوية

مقارنة بالحالة الاقتصادية اللى فى انحدار دائم

الحالة زفت الناس بقت تعبانة اغلب اللى كان طبقة متوسطه اوشكو انهم يكونوو معدمين


وبعدين
مين يقدر على كدة
مين يقدر على المصاريف دى؟
كلنا؟ اكيد لا
القادر بس هيتجوز
والباقى هقضيها تحرش وامره لله
والبنات تقتدى بحين ميسرة وامرهم لله
انا عارفة انى بقول مش كله العصر وكل عصر والحل قدام عنينا واحنا رافضينه
دة احنا المدنين نحمد ربنا
لان القرويين بيجهزوا اضعافنا
زى واحدة صاحبتى بتقولى انها اشترت مكنه بتعمل مكرونه
قلتلها ازاى يعنى
قالتلى تعجنى عجينه المكرونه وتدخليها المكنه تفردها وبع كدة تقطعيها
قلتلها ملهاش لازمة اشترى مكرونة جاهزة
قالتلى ومين قالك انى هعمل مكرونة فالبيت بس لازم اجيبها
بسالها لازم ليه
قالتلى عاوزة فضحتى فى البلد تبقى بجلاجل ولا ايه
تخيلو فضيحة عشان مكنه زى دى لان كل حريم البلد شارينها ميصحش هى كمان متشتريها
ولا القايمة بتاعتهم بيعملوها على اخر واحدة عملت قايمتها مش على الحاجات الموجودة فعلا
يعنى اخر واحدة عملت ب 110 الف جنيه انا هعمل ب112 عشان ابقى زودت رغم ان القيمة الاصلية ممكن تكون 60 او 70 الف ظلم ولا لا؟


والعروسة المدنيه تانى يوم بيجيلها اكل وعشا وغدا وفطار
القرويين على حسب ما قالولى بدل الاكل
شكاير رز وكراتين مكرونه جاهزة واقفاص فراخ ويروحو بربطه المعلم وهما عارضين الحاجة عشان الناس تعرف انهم جابو لبنتهم ولا نقل العزال من بيت اهل العروسة لبيت جوزها ياخدو اربع عربيات نقل ويفرشوا فوقيها البطاطين عشان الناس اللى فى البلكونات تتفرج ويفرشوا السجاجيد ويحطو الانترية لو كانو جايبين ويعرضو المطبخ ويجيبو فرقة تعزف وتغنى من اول بيت العروسة لحد بيت عريسها حتى لو كان فى اخر الدنيا هيروحو بالزفة بردة
وفى تقعد 3 ايام متطلعش البلكونه عشان الغموض والسسبنس وبعد كدة تطلع تنشر غسيلها وتخلى بالها انها تعرضة حتة حتة اللى الناس عاوزة تشوفة فى اول حبل قدام واللى مش مهم اوى وراه
ولازم مفرش السرير يتشمس امال ايه؟امال الناس تعرف انها دخلت بمفرش سرير ولا لا منين
ومن النوع الرخيص ولا الغالى ازاى
بقة دة كلام يتعقل

كل دى تكاليف ؟

طب لو واحد عنده 6 بنات ورا بعض يعمل ايه

دة لو قطع نفسه وادى لكل واحده حتة مش هيكفى
بس ازاى بقة
دى عادات دى تقاليد منقدرش نغيرها وبعدين يعنى هو احنا اللى هنقلب ميزان الكون
اف يلا خلاص دمى اتحرق انا همشى
هروح اجرب مكنه المكرونة حد عنده وصفة عجين المكرونة
مش مشكله انا هجيبها من اى برنامج بيعك فى الاكل
انتظر تعليقاتكم

Friday, October 10, 2008

اسفة


معلش البوست بتاع فرحة اتنشر متاخر عشان اللى كنت معتمده عليها تنشره ربنا يسامحها منشرتهوش

يااااااه وحشتونى اوى من بعد ما اتجوزت وانا هارية نفسى تفكير فيكم وفى البلوج بجد الكل واحشنى اوى نفسى ارجعلكم بانتظام تانى

وانشاء الله هرجعلكم تانى وهشترى كمبيوتر فى بيت العدل عشان ابقى معاكم على طول هتوحشونى اوى

واسفة على التاخير

النهاردة فرحى يا جدعان


النهاردة دخلتى يا جداعن النهاردة فرحى يا جدعنا

8-8-2008

يوم الجمعة

تم0انيه تمانيه الفين وتمانيه

بجد مش هزار

الحدث الاعظم الذى طالمها انتظرته الجماهير المصرية

فرحى:P

هتوحشونى حتى اعود

Friday, June 20, 2008

الفرح اسلامى نص ونص

اللى عاوز يكبر الصورة ياخدها كوبى ويعملها زوووووووم ان

من مدة كدة سمعنا انه فى خطوبه هتم بين واحدة احنا عارفنها وواحد احنا عارفينه بردة
ومحدش يظن الظن اياه فى ماما مكنش ليها يد فى الموضوع دة
الست بريئه المرة دى مخطبتهمش لبعض

كل الحكاية ان احنا عارفين العريس لانه ساكن جنب خالتشى العزيزه (ماما سوسو) اللى عمرى ما قلتلها يا خالتشى خالص

طبعا مش قادرة اقلكم انا فرحت قد ايه طبعا لسبب تانى غير الخطوبه وهو ان البنت دى يتميه ومفيش اى فرح من اى نوع دخل بيتهم من يوم بيت مامتها الله يرحمها وقد ايه كل الناس كانت فرحانة بردة لنفس السبب
واكيد طبعا فرحتلها برده عشان هتتخطب

ندخل فى الموضوع


قبل فرح البنت دى بيوم وانا قاعدة بذاكر لقيت زغاريط زغاريط زغاريط واغانى من نوعيه النهاردة فرحى يا جدعان والعنب يا اخويا العنب طبعا دوشه ملهاش مثيل وانا بكره كدة وبدات بنفسى ومكنتش مشغله مزيكا يوم فرحى عشان مضايقش حد كفايه يوم الفرح او ساعتين كدة ولا حاجة

دول ولا اى حاجة من الكلام دة فكرو فيها

من الساعة 11 ونص الصبح مصحيين الناس اللى حوليهم كلهم بالاغانى والزراغيط

مش مشكله عدوها بقى متبقوش رخمين دة مهما كان فرح

ولما تعرفو بقية البوست هتعرفو انى بجد قلت مش مشكلة اللى عملته

طبعا فى اول البوست انا قلتلكم ان ماما مكنش ليها يد فى الموضوع
لكن طبعا طبعا طبعا مينفعش تسكت كدة وتقعد حاطة اديها على خدها وتستنى المعلومات تجيلها من برة دة يبقى عيب عليها اوى

لازم طبعا كالعادة تلبس بالطو شارلوك هولمز وتعمل تحرياتها اللازمة
هيجى الواد الرخم ويسالنى ويعنى هى هتعرف بيانات العريس منين مظنش انها عرفت يا فزفازيل؟

ياهووووووووووووو حد يخليه يقول كلمه مودموازيل صح بدل ما ااجرلو اتنين على باب المدونة يقطعوه لو دخل تانى
مين دى اللى متعرفش يا فاشل هو انت مفكر ان ماما دى زينا كدة وزيك وعادى يعنى
طبعا عرفت وعرفت هو مين وساكن فين (مش قلتلكم انه ساكن قريب من خالتشى) وبيشتغل فين وكل حاجة تقريبا

وكان الكلام عادى انه سنى ومربى دقنه وبيشتغل فى السعودية وكتبوا الكتاب والدخلة لما يخلصو التجهيزات وهيسافر بيها السنة اللى جايه

وعرفنا كمان انه فرض شويه شروط
اولها ان الفرح لازم يكون اسلامى

ثانيا ان من اول الخطوبه لازم لازم لازم لازم تلتزم بلبس الاسدال

ثالثا انه لما يتجوزوا لازم لازم لازم تلتزم بالنقاب

وكانت دى شروطة غير الشبكة والاتفاقيات التانيه طبعا بس هو مكنش هيتمم الجوازه دى من غير ما يوافقكو على شروطه

الشرط الاول الفرح كان اسلامى جداااااااااااااااا لدرجه اته مكنش فى اى اغانى من اللى بيقولو عليها اغانى اسلامية
وكان الرجاله تحت والحريم فوق
وطبع منظر قعدة الرجاله تحت برصتهم جنب بعض ومربعين ايديهم وكانه
عزا احنا قولنا الفرح اتلغى دة حتى مفيش اغانى اسلامية ولا مسابقة دينية ولا نفس ولاحس

لكن اكتشفنا انه عادى فانا طبعا مسكتش لازم ارميلى كلمه على الماشى وانا مع ماما واصحابها واحنا معديين على الرجاله بقولهم (اصحاب ماما)ايه دة هما عاملين الفرح سيلنت ولا ايه؟؟راحت ماما ضاحكة وقالتلى اسكتى قلتلها خلاص متزعليش عاملينه فيبريشن المهم ممنوع الرنات (يعنى لا رنتك باسم حضرتك ولا اسماء الله الحسنى حتى) راحو كلهم ماتو من الضحك وفضحونا لان ابو العريس كان لازم فى قفانا وتقريبا والحمد لله سمع كل تعليقاتى
كانو بيضحكو على ايه مش عارفة

بعد كدة طلعنا فوق عشان نبارك للعروسه احنا جاينلها اصلا

ندور العروسة مفيش عروسة ندور على العروسة مفيش عروسه

يالهووووووووووووووى العروسه اتخطفت يا جدعان حد يدور وانا بهم بشمر كمامى عشان ادور على العروسة تحت الكراسى او الترابيزات او عند الشباك لتكون انتحرت من الفرح بعد ما اديت لماما الموبايل عشان تتصل ب122 بسال الناس فين العروسه قالولى العروسة هناك

وانا طبعا شعرى وقف وكانه لزق فى ماس كهربا_بعد الشر عليا وانشالله اللى يكرهونى _ اول ما شوفت العروسه

دى العروسه؟؟!!!! خليكو معايا يا بنات واحكمو انتو عشان تفهمو الشباب

بادئ ذى بدء لابسه عبايه عاديه جدا اشبه للجلابيه(انا مش بتريق انا بوصف الحقيقة والله) ومن دون كل الالوان اختارت اللون البنى الغامق

طنشو اللى فات دة واعتبرو نفسكم ماخدتوش بالكم خليكو فى اللى جاى


كمان العباية مش سواريه يعنى لا خرز وترترايه واحدة حتى طب ليه كدة يعنى ماهو ممكن تجيب عبايه بس سواريه وبلاش اللون اللى مش نافع اللى كانت لبساه ده لكل مقام مقال دة فرح يعنى مش نازلين السوبر ماركت

هتقولو عشان الترتر بيلفت انظار الرجال من قبيلة بنى عدس وقبيله بنى عدس بجبه فعشان محدش يشوفها وهى جاية كدة حتى لو كان يوم فرحها

طب ايه رايكم انها مراحتش لكوافير من اساسو ومنزلتش من باب البيت ومكنتش حاطه حاجة خالص غير الكحل ما علينا حتى الطرحة كانت لفاها واكنها نازله تجيب حاجة من البواب


مع العلم انى حضرت افراح اسلاميه قبل كدة كانو بيجيبو دفوف فى القاعة عادى وبياجرو قاعتين بردة فوق ستات وتحت رجاله بس كان بيبقى فى اغانى واحيانا زغاريط والعروسه بتبقى عامله فى نفسها اللى متعملش وميكب اب مفيش عروسة عاديه تعمله وفستان لو حاولت تظهر بيه على التلفزيون الرقابه هترفض بس كله ده بردة ولما كانت بتيجى من برة كانت بتبقى مستغطية وتشيل الغطا فى القاعة عادى


طب ليه هى مثلا معملتش كدة ؟ مع العلم ان الظروف المادية ملهاش مكان فى حديثنا هنا

كله ده عشان خاطر عيون العريس عشان بذكائه الغير معهود من ذى قبل عاوز كدة

دة غير انها كانت قاعدة على كرسى مش على كوشه فمحدش عرفها وكله كان بسال عليها هى فين

مش عاوزة اقلكم طبعا ان البنت مكنتش مبسوطة بقة هودة اليوم اللى البنت بتستناه يوم خطوبتها اليوم اللى يجيلها فيه واحد تحبه وخصوصا انها عادية بتلبس بناطيل وبلوزات وبتسمع اغانى وبترقص عادى يعنى هى مش متدينه اوى ولا حاجة متدينه عادى

بس هى كان منطقها(انا كل اللى فى سنى اتخطبوا اشمعنى انا) وعشان كدة اتنازلت ولبست الاسدال وهتلبس النقاب فى مقابل انها تتجوز

وكان كل ما العريس عينه تغفل عن المكان ساعة الاغانى تشتغل والرقص يشتغل والناس مبقتش عارفة الفرح عند الحريم فوق اسلامى ولا مش اسلامى وموقفين حد (نادورجى) لما يحس ان العريس ممكن يطلع يعرفهم يقفلو كل حاجة ويعملو محترمين وقاعدين مربعين ايديهم دة غير الهيصة بتاعة اليوم اللى قبليه

يعنى البنت متغيرتش ولا هتتغير لانها حابه تعيش حياتها على نمط وهو نمط تانى خالص

طبعا كان المفروض ان العريس العبقرى يعرف انها ملبستش الاسدال ولا هتلبس النقاب عشان ربنا

دى هتلبسو عشان تتجوز يعنى محجبه من بره لكن قلبها مفهوش حجاب والحجاب اللى على الجسد مش بيستر زى الحجاب اللى من جوة الانسان

اللى مزعلنى انها عملت كدة عشان بنى ادم مش عشان ربنا واحكمو انتو من اللى فات هى عملت كدة عشان مين

وكمان انا مش فاهمة ليه التشدد اللى ملوش لازمة ده الفرح كله حريم ليه حكم عليها متعملش حاجة ولا تروح لكوافير ولا تلبس فستان كدة غباء بجد

طب مانت عملت الفرح اسلامى ودة احسن انه بيدى للعروسة فرصة تبقى على راحتها فى لبسها ومكياجها وعلى فكرة انا مش ضد الافراح الاسلامية كل واحد يختار فرحة بالطريقة اللى يحبه بيها


بس دة مكنش فرح خالص لا اغانى اسلاميه ولا عروسة شكلها عروسة دى كان بيبقى شكلها عروسه فى الايام العادية اكتر من كدة ولا حتى واحدة صورتهم زى ما بيعملو فى الافراح الاسلاميه ولا اى حاجة خالص

ليه النكد دة بس

انتظر تعليقاتكم

Sunday, June 15, 2008

فال الله ولا فالك



قال ايه كل ما تكلم ايه اللسان دة

ياشيخة الملافظ سعد
فال الله ولا فالك
الموضوع من الاول انى بعانى مع الناس اللى اكبر منى فى السن عادة بسبب انى بتكلم عادى
وهقلكو شويه مواقف
يعنى مثلا كان فى واحدة ماما رايحة تزورها عشان تعبانه فبقولها هى مالها يا ماما قالتلى عندها المرض الوحش
قلتلها ما كل الامراض وحشه يعنى هى عندها ايه يعنى
مرضيتش تقولى
فهمت فيما بعد من ناس انها عندها كانسر فروحت قلت لماما ازاى متقليليش ان عندها كانسر كان المفروض اروح ازورها
لقيت ماما وشها ازرق واحمر واخضر وطبقات صوتها عليت اووووووى
متقوليش كده متفوليش_مش من الفول_فى وشى يا شيخة نقى الالفاظ
هبل الهى ما اطعمك انا هتشل والله
شلت يدى لا لا انها سليمه نيهاهاهاها
انا حسيت انى عملت جريمة مش عارفة ايه هى

بعد كدة حصل موقف تانى بكلم خطيبى فى التليفون بالليل وطبعا انتو فاهمين مكالمات بالليل
بس حصل تغيير فى النص الاصلى لمكالمات نص الليل وخرجنا عن الهيام ولسبب ما عجبنى فيه
قلتله انت دماغك حلوة اوى بتفكرنى ببابا جدو اللى يرحمه وحتى دة اللى عجبنى فيك وكمان عشان فيك شبه من اونكل ميمي حبيب قلبى
ليه وليه اقوله فيك من بابا جدو
قالى بصى يا مهوهتى _جايه من مها_ انا فاهم انك "دبشة" وطيبه اوى واللى فى قلبك على لسانك ومش فاهمة انتى قلتى ايه بس انا عارف انك على طبيعتك ودة مش بيزعلنى منك لكن متفوليش الكلمة دى قدام مامتى
استغربت اوى ولما سألته ليه
قالى عشان ماما بتتشائم لما حد يشبه حد عزيز عليها بشخص ميت
(ال يعنى لما مات بقى نجاسه)
بس كان لازم اتاكد وهو رايه ايه فى الكلام الاهبل دة
قالى انا مش مؤمن بالكلام دة بس لازم نراعى الاكبر منا دول اهالينا بردة
كلامه حلو بس الاعمار بيد الله
موقف تالت حصل
انتو طبعا فاهمين انى عروسة والعروسه لازم تجيب هدوم خروج جديد
خرجنا انا وماما وخطيبى وعجبنى جا كيت اسود جدا جدا جدا وكنت اصلا بدور عليه
لمجرد انه اسود ماما رفضته قال ايه! فال وحش
من غيظى لانى كنت هموت على الجاكت قولتلها والله بعد الجواز هنزل اجيب لبس لوحدى وكل ما هجيب حاجة هيكون لونها اسود
اتارينى قولت بلوة كبيرة وانا مش واخدة بالى وماما وشها قلب

كان بتهيألى ان واحد هيطلع من فيلم فجر الاسلام ويقول فلنقيم عليها الحد
فلنمزقها اربا اربا ونرميها للكلاب اللولو بتاعة المسلوخ بن المهلهل
وجت بعدها قالتلى انتى عارفة مين اللى بتجيب لبسها كله اسود بعد الجواز
قلتلها من غير نرفزة بس يعنى هتكون مين ياماما يعنى

قالتلى الارمله

فبهزر معاها بقولها ارمله بعد الجواز كدة هو انا عنكبوته ولا ايه هقتل العنكبوت فى الصباحيه ويبقى اسمى الارمله السوداء
طبعا هول الصدمة خدنى ودماغى لفت يانهار مش فايت بقة انا كلامى اتحور وبقى كدة
بقة كل مرة اقول فيا حاجة اطلع (بفول)على حد بالموت او المرض
معقوله امى مربيه الاجيال دارسه علم النفس بتعمق دارسة الحقوق ودارسه اللغه العربيه كمان تفكر كدة بالاسلوب دة
(متاخدوش فى بالكم اصل ماما غاويه كليات)

وخطيبى حبيبى يمشى مع التيار ويعتبر ان الكلام دة غلط انى اقوله
معقوله مامت خطيبى بردة ماشيه تبع الحاجات دى
معقوله كل الناس اللى علمونى مفكرش فى الحاجات دى هما اللى بيأمنو بيها
الامثلة اللى ذكرتها فوق على سبيل الذكر لا الحصر
من ده كتير والله
بس تفتكروا مين اللى غلطان
انا ولا هما ولا اللى اثروا فى الناس من الاول وحطو فى دماغهم الحاجات دى ؟
انا عن نفسى مش عارفة
انتظر تعليقاتكم

Saturday, June 14, 2008

عدنا من الامتحانات


هييييييييييييييييييييييييييييييييه


رجعتلكم ورجعت للتدوين تانى


ما ضاقت الا لما فرجت


ضاقت فلما استحكمت امتحاناتها خلصت *** وكنت اظنها لا تخلص


وهننزل بالبوستات خلاص


زززززززززززززززززززززز


انتهى الارسال


موبينيل اتكلم من القلب


سكر الاسرة احسن لانه اخشن


انا فودافون الشكبة الاولى للمحمول فى العالم


تابعو المسلسل العربى حدائق الشيطان


مش هما بيعملو كدة بعد ما يقلك عدنا يديها 60 اعلان


اشمعنى انا يعنى

Saturday, June 7, 2008

النهاردة عيد ميلادى










شغل الفيديو وسيبو يحمل وسكت الاغنيه اللى فى السايد بار


بالمناسبة الرائعة السعيدة دى اللى مصر بتستناها من السنة للسنه مرة (اللى هو عيد ميلادى يعنى) وبتحتفل بيها
حكومة وشعبا قررت اعرفكم على برجى برج الجوزاء

وبرغم الامتحانات مكنتش اقدر افوت المناسبه دى من غير ما اعرفكم واحتفل بيه معاكم

طبعا عشان العباقرة اللى بيفسروا الدين على مزاجهم الخاص دة مجرد تعريف بالشخصية مش حظك اليوم ولا علم بالغيب دى دراسات تحليل نفسى علمية ومعموله على اساس علمىومحدش يقولى اعياد الميلاد حرام مبحبش حد ينكد عليا مش عاوزين رخامه لو سمحتم

طبعا برضوا مش كل برج الجوزاء ستامبه واحدة فعشان كدة هعملكم علامة على الحاجات اللى تنطبق عليا ميه فى الميه بلون بمبى

ادعولى عشان الامتحانات شغاله

طفل الجوزاء

ربما كان الشرح طويلا ولكنه بالكاد يكفي لما يكون عليه هذا الطفل

أن ترزق العائلة طفلا ذكرا ينتمي إلى برج الجوزاء , أو أنثى , على أفرادها أن يطلبوا لأنفسهم أولا العافية والنشاط وطول البال (كان الله فى عونك يا ماماتى). إذ يجب ألا ننسى أن طفل الجوزاء مسيّر من الكوكب عطارد (ميركوري ) , وأن قدماء الإغريق كانوا يصورون آلهتهم ميركوري حاملا جناحين في قدميه وواضعا خوذة فضية على رأسه .
هذه الصورة الرمزية تنطبق إلى حدّ ما على أطفال برج الجوزاء من الجنسين , وإذا شذ أحدهم عن ذلك فبسبب تأثيرات فلكية أخرى لا علاقة لبرج الجوزاء بها .طفل برج الجوزاء عنوان الحركة الدائمة والفضول المستمر , ولهذا تحتاج أمه إلى ضعف الصبر الذي تحتاج إليه أي أم مسئولة عن تربية الطفل .
وعلاوة على الصبر تحتاج أم طفل برج الجوزاء إلى العافية البدنية كي تستطيع اللحاق به من مكان إلى آخر , فهو سريع التنقل إلى درجة تجعله يبدو في مكانين في آن واحد . لقد حاول البشر معالجة هذا النوع من الأطفال(دة على اساس اننا نوع ذرى) فاخترعوا من أجلهم وسائل مختلفة كالأحزمة والأقفاص وغيرها
ولكن من الصعب تخيّل طفل برج الجوزاء , ملجما أو مسجونا . إنه عدو الجمود والسكون والأماكن الضيقة بلا منازع ,وان هدأت حركته فعقله وذهنه لا يهدأ ,وتجدهم باستمرار مشغولون في شيء او اخر, يهوى الحركة واللعب والناس والأماكن الفسيحة والدمى الكثيرة(عمرى ما كنت بحب اللى اللى فيه جرى وبخاف جدا من العرايس اللعبه) , وينجح في إحاطة نفسه بجو مشحون بالضجيج (مش طول الوقت يا معلم انا ليا طاقة بردة)والحيوية وإثبات الوجود .
إن تغيير هذه الصفات التي تعد أساس طبيعته أمر مستحيل على الرغم من كل ما قد يُبذل من جهود . ومع ذلك يبقى من واجب الأهل تعويد طفلهم بجميع الوسائل والطرق الاسترخاء والهدوء والتمهل قدر الإمكان وذلك منذ أول مراحل الطفولة .إلى جانب ذلك يتمتع طفل برج الجوزاء بالنضج المبكر وحب الاستطلاع وردود الفعل السريعة .
وهو ولا ريب أسرع الأطفال تعلما للقراءة(من قبل ما ادخل المدرسة بقرا من وانا 5 سنين بس) وأمهرهم في الحفظ وأجودهم في الإلقاء(لا بتكسف) . يداه الحساستان المعبرتان تصلحان بصورة خاصة لبعض الأعمال كالجراحة وطب الأسنان وصناعة الساعات .ولديه قابلية سريعة جدا لتعلم الأعمال اليدوية من أول مرة (اتعلمت كروشيه فى ساعتين ونص),,كما أن لديه استعداد خاص لتعلم اللغات الأجنبية (فاكرين لما كلمت البنت الصينية بالصينى دة غير المستخبى), ولا يصعب عليه إتقانها في الصغر إذا منح الفرصة .
يظهر الميل أيضا إلى الأعمال الميكانيكية ويجد متعة كبيرة في ممارسة هذه الهواية بصورة عملية ,ومن مميزاته انه يحب ان يسأل عن كل شيء ويحتاج إلى إجابات مقنعة لأنها ستدخل إلى ذاكرة قوية و من الصعب أن ينسى شيئا ,,طفل برج الجوزاء محب للتقليد بروح السخرية(اكيد ملاحظين السخرية العمال على بطال فى البلوج), يقلد الأشخاص الذين حوله بروح سخرية(صفة حقيقيه ميعرفهاش غير القريب منى).
إن صده أو عقابه لا يُجدي , ومن الخير أن تـُتبع معه الأساليب التربوية الإيجابية فيُـشجع مثلا على الرد الصحيح دون زيادة أو نقصان .كما ان هذا الطفل عادة ما يكون جثمانه ضعيف وذلك يعود اى نشاطه الجسدي الغير اعتيادي والسبب في ذلك هو أعصابه وعقله الذي لا يفتر عن التفكير والبحث ويبعث في الجسد حب التحرك والتنقل واللعب وما الى ذلك,,لكن عندما يكبر عادة ما تتحسن حالتهم الجثمانية نتيجة تعود الجسم على ذلك .
.ولكن تتدهور اجسادهم اذا ما عكر مزاجهم او خلال فترات الضغط العصبي او الارهاق الفكري(بيجيلى انتفاخ فى القولون_حقيقة والله) وكل ذلك لانهم كما قلنا يعيشون على اعصابهم وهي التي تتحكم في كل شيء ويعود كل هذا ببساطة الى ان كوكبهم الحاكم هو عطارد وهو الكوكب المسؤول عن الاعصاب والفكر والبديهة ,
,ولذلك عادة اذا تعرض مولود الجوزاء إلى إي نوع من أنواع التنغيص الفكري تجدهم متغيروا الهيئة ويعلوهم الشحوب او قد يفقد جزء من وزنه ...بمعنى اخر يبان عليهم الارهاق,,,من الضروري جدا لهذا الطفل النوم لساعات كافية بالرغم من صعوبة المهمة,,وهناك نقطة اخرى ,وهي انهم يملكون خيال واسع جدا وخصب لكل شيء,
,بمعنى انك قد تروي له رواية قبل النوم فلا ينام ويظل مستيقظا يفكر فيها وفي احداثها(صادق يا اخويا صادق),,,ونفس الكلام ينطبق على البرامج التلفزيونية فهذا الطفل يجب عليه ان لا يشاهد افلام الرعب لانها قد تفتح عليه انواع الخيال كلها وهو جاهز فلكيا لمثل هذه الافلام الخيالية وقد تسبب له كوابيس واحلام مفزعة,,ومن الاشياء الملاحظة عليهم انهم غالبا ما تجدهم يخافون الظلام والاماكن المظلمة حتى يصلوا الى سن المراهقة(ولحد دلوقت والله),,,خياله لواسع كثيرا ماتجده من خلال القصص التي يرويها حيث الاضافات والمبالغات والدراما التي يضيفها على القصة كلها(عشان كدة لما بيكبروا بيبقوا مؤلفين جامدين وبتوع قصة قصيرة ومتوسطة وكبيرة وفاميلى سيز),
,ومن الامور التي من الممكن ملاحظتها بعض الاحيان هي انهم يعانون من بعض المشاكل في الكلام ليس لعيب في اللسان وانما لان سرعة المخ في التفكير وتكوين الجمل والمواضيع تفوق بكثير قدرة اللسان على الكلام والمخاطبة,
,اي ان اللسان لايستطيع مجاراة المخ على تكوين الجمل(انشالله دايما 77 لسان يا اخويا الله اكبر الله اكبر),,
ولذلك قد تجد بعض الحروف بعض الاحيان لا تخرج من المخارج الطبيعية,,ولكنها مسالة وقتية تحتاج الى الصبر والتأني وما عدا ذلك فهم طلقوا اللسان فصحاء ويتعلمون الكلام مبكرا ,وكما انهم موهوبون في تعلم اللغات الاخرى

(بصوا على البروفايل من بره هتلاقونى كاتبه فى الهوايات _تعلم اللغات الجديدة_ ومكنتش اعرف انها داء فى الجوزاء والله)عجبى

,,بقي أن نقول أن طفل برج الجوزاء قليل الصبر قليل الانتباه , يتلهى عن الدرس بأي شيء تقع عليه حواسه(وهى دى ازمتى فى الامتحانات) , لكنه يتعلم بسرعة لا تـُجارى إذا استجمع أفكاره وركزّها
ولأنثى برج الجوزاء بين زميلاتها وأترابها شعبية خاصة(ممكن) , ومعروف عنها سرعة الانتقال من البكاء إلى الضحك وبالعكس .كما ان الطفل الجوزاء عادة شخص يميل الى استخدام القدرات العقلية والعصبية والذهنية قبل العاطفة ,,ولذا فهم بطيئون نوعا ما في اظهار عواطفهم تجاه الاخرين ولا يتعلقون عاطفيا بسرعة بل لكي يتعلق طفل الجوزاء بصديقه او اي شخص اخر فانه يحتاج الى وقت اطول من غيره(كل اصحابى عرفتهم من 3 الى 4 سنين قبل ما نبقى اصحاب),
,إن طفل برج الجوزاء باختصار - وخصوصا بالنسبة إلى والدته - غذاء روحي عظيم وإن كان غذاء مرهقا لأعصابها في بعض الأحيان . ويبدو أم وجود مثل هذا الطفل في عائلة ما يُكسب جميع أفرادها الشعور بالشباب والحيوية الدائمين


فتاه الجوزاء

الصفات العامة: متكيّف ومرن، صريح وذكي، عقلاني وفصيح، مفعم بالشباب والحيوية يحب الكلام، كل ما هو جديد وغير مألوف، التنوع، تحقيق الأهداف المتعددة معا، والقراءةلا يحب القيود، التعلم، الروتين، الخمول العقلي والوحدة
.مواليد الجوزاء لهم مزايا وعيوب الأطفال والشباب معًا. مزايا الجوزاء تضفي عليها جاذبية شديدة، ولكن سيئاتها قد تمحو حسناتها. إذا كانت الظروف مواتية تكون خلابة، حيوية وسعيدة كالأطفال وإذا عاكستها الظروف تصبح خيالية وقلقة(اصحابى بيسمونى مديحة توتر)
. تهتم بالمشاريع والأنشطة الجديدة، وتعمل عليها، وتنتقل من مشروع إلى آخر كالفراشة بين الأزهار. بالنسبة إليها الحياة لعبة مرحة، ويجب أن تعج دومًا بالحركة والمرح المستمر، وأن تخلو من الرّوتين القاتل.الجوزاء حنونة، مهذّبة، كريمة وتراعي مشاعر وحقوق الفقراء.تكافح لتكون دومًا صادقة ومستقيمة،
لكنها تحبّ مصلحتها أيضًا(ومين مش بيحبها).تملك الجوزاء ذكاءً حادًا لامعًا وحدسًا قويًا. وتشدّها التّحديات الحقيقية. هذه الطاقة العقلية تفتح شهية الجوزاء للعلم والمعرفة منذ ريعان الشباب.
لكن الجوزاء تكره بذل الجهد للتعلم،(صاااااااادق) وتفضل الاعتماد على سرعة الفهم. لدى الجوزاء براعة عقلية في التقاط الأمور التي تتطلب الذكاء، كما أنها قادرة على الجمع بين المهارات اليدوية والعقلية معًا.
قدرتها البالغة على التحليل تتيح لها رؤية المسائل من وجوهٍ مختلفة، مما يعرضها للتردّد وصعوبة اتخاذ القرارات.

فى الحبّ للجوزاء جانبان: الأول يغرق في العاطفة، والآخر يبتعد عن كل ما يمت للعواطف بصلة.و تنظر الجوزاء إلى العلاقات العاطفية بتحليل عقلاني، تجدها تسخر من أبطال قصص الغرام،(طول عمرى نفسى بتغم عليا من قصص روميو جوليت وانا ابيع الدنيا عشانك يا بكيزة) بما فيهم نفسها.
لا تأخذ الجوزاء الأمور بشكل جدي. وتكوّن صداقات جيدة ومسلية ومعارف جيّدين. الجوزاء متحدثة لبقة ومتألقة، كما إنها مسلية جدًا. وفى المهنة تستطيع الجوزاء النجاح في مجالات كثيرة في الحياة. قد تكون: محاورة, دبلوماسيّة, واعظة, مدرّسة, مؤلّفة, شاعرة، صحفية(جبتش انا حاجة من عندى اهو عم مسعد الحلاق لا يعرفنى ولا يعرفك وقال كلمة حق) أو محامية.
أيّ عمل يتطلب سرعة البديهة والتغيير المستمر يلائمها. هي أيضًا عالمة مبدعة, خاصّة في مجال الطب وعلم الفلك؛ نظرًا لتفكيرها المنطقي والتحليلي. كذلك هي عضو ممتاز في الجيش أيضًا؛ لأنها لا تهتم للمخاطر، و يمكن أن تنال شرف الأعمال البطولية. في مجال الفن قد تتفوّق في الموسيقى والرّسم والنّحت.
وهي أيضًا باحثة نفسية جيّدة.
المشاهيرالأمير فيليب, مارلين مونرو, بوب هوب, جون كنيدي, وولت ويتمان, بوب ديلون, توماس هاردي

السيدة الجوزاء
حاضرة . . . عمرها يلعب الدور الأكـبر في حياتها فالجوزائية المراهـقة هي غير الجوزائية الشابة والشابة غير السيدة . . . صاحبة شخصية مرحة ومليئة بالحيوية , نادراً ما تراها حزينة أو متطلبة , حضورها يُدخل الفرح إلى قلوب الموجودين.
والجوزائية المتـقلبة , حريصة جداً على أشيائها وممتـلكاتها , واقتصادية إلى حدود البخل أحياناً(طب ليه الغلط بقة؟ تعالوا انتو بس واحنا نوريكم كرم الضيافة) بالرغم من أنها مضيافة وتســعى لأن يكون بيتها مفتوحاً , لا أعرف , أنسمّي هذا كرماً ؟ أو لنقل أنه كرم مدروس بدقة . .
. قادرة هي الجوزائية على القيام بأكثر من عمل لأنها لا تعرف التعب وليست من النوع الذي يشكو ويتأفف(هو بيتكلم على برج ايه دة انا بنهج وانا بفكر) . .
. في سنوات الشباب الأولى تـكون رومانســـية حالمة دائمة الابتسام , لكن بعد سنواتٍ قليلة , تشعر وكأنك تـتعرف إلى إنسانة جديدة إلى إنسانة واقعية , جديّـة , تحلل الأمور وتــُـفسر الأشياء . .
. إنها مرحة مسلية سريعة الخاطر دقيقة الملاحظة تحفظ الأشعار وتقرأ الفلسفة(بعشق الفلسفة) وتخوض مواضيع السياسة (بس بتخنق منها فى نفس الوقت). وهي بالإضافة إلى ذلك ربة بيت ممتازة , وسيدة صالون من الطراز الأول . أعصابها غالباً متوترة ومخاوفها كثيرة
والجوزائية الاجتماعية قد تعتـقد أنها لا تـُغرم أبداً . . . ولكن في الحقيقة أن هذه الفتاة الحلوة المعشر عاطفية بشدة , بل متأججة العاطفة , إذاوجدت الرجل الملائم , المتحرر والمسؤول في آن ٍ واحد الذي يُرضي عقلها وقلبها وجسدها معاً .
فإذا أحبت أخلصت ووقفت بقرب حبـيـبها وقفة فيها الكثير من الجرأة والمسؤولية , بل أنها تـشجعه وتمدُ له يد المساعدة دون أن تـتركه يشعر وكأنه اتكالي . .
. معظم الجوزائيات المـتـزوجات هن سيدات منـزل من الدرجة الأولى فالمرأة الجوزائية تكره الإهمال في البيت وتسعى أن يبقى نظيفاً ولافتاً , فتجدها كل يوم تـُضفي عليه لمسة جديدة تذكرك أن المرأة أنــوثــة قبل كل شيء .
. . من الأدوار التي ترضى عنها وتخشاها في آن واحد دور الأمـومة . لكنها في جميع الأحوال والدة ممتازة تعامل أولادها معاملة الأصدقاء(مش عارفة معتقدش اننا هنكون اصحاب ابدا) دون أن تـفرض عليهم القيود والأنظمة .
إنها تـكون حازمة حيناً ومتساهلة حيناً آخر , وهي محظوظة إذ أنها قادرة على امتلاك عواطف أولادها الذين تراهم قابعين قربها ناظرين إليها , مستمعين إلى أحــاديــثـها .
أخيرا لا آخرا تمد هذه المرأة الطيبة يد المساعدة كلما استطاعت . عيبها أنها قليلة الصبر , فعليها أن تعوّد نفسها الاستـقرار كي لا تظل تدور في حلقة مفرغة . مهما تكن سيئاتها فضيلتها أنها مثيرة ومسلية , ومن يعش معها يجهل معاني الضجر . نعم , متـقلبة , متبدلة , أليست أحلى من أن تـكون مستـقرة في شخصيتها وهواياتها ولا تشرق في كل يوم ؟

اسفة للاطاله وعارفة انه برج المتناقضات يارب تكونوا قريتوا بتمعن عشان الاقى تعليقات ليها علاقة بالبوست
واخيرا تذكروا اذا اردت ان تتزوج امرأة من كل النساء تزوج امراة برج الجوزاء
وسمعنى احلى هابى بيرث داى تو يوووووووووو
انتظر تعليقاتكم

Monday, May 5, 2008

هتوحشونى مووووووووووووووووووووووووووووووووت


طبعا عاوزة اعتذرلكم عن غيابى الفترة الجايه
هيطلع الواد الرخم يقوله ليه يا نزنازيل
هقله يا راجع خنقتنى وطلعت عينى قول مودموازيل صح والا خلاص البرج اللى فاضل فى نفوخى هيطير وهقفل البلوج خالص
هيكون ليه يعنى
بمتحن بمتحااااااااااااااااااااااااااااااان
ادعولى بقة بالتقديرات الجامدة بتاعة اولاد الدكاترة دى

وانا بمتحن بقة اتسلو واقروا فى دول
طبعا اوعو تنسونى لانى مش هنساكم لكن لازم تعذورنى دى امتحانات يا جماعة مش هزار
ومن وقت للتانى هطل عليكم
وكل اللى عنده برنامج بيكشف مكان الزائر فين هروشه
هتلاقونى بفتح من 4 محافظات او 5 كدة
وهركبلوكو الجنان بالعند فيكم
يا مصر بعشق ترابك لكن ترابك دخل فى عينى
والله وعملوها الرجاله
عيون عاهرة
لولولولى عقبال عندك يا ام احمد
تعليق جالى وكان لازم ارد عليه
الى كل عريس يهمه الامر
وائل الابراشى مع البهائيين
اخويا هينقطنى عشان نشوف بيت العز اللى هو بيتنا
هابى فالنتين داى
ســــــــــــــــــــــؤال
مكتب خاطبتكو للزيجات الفاخرة
عايز؟؟ مش بتاعى
حذارى من ثورة الجياع
عندما يكون خطيبك مدمن للشاى والقهوة والسجاير
البيه اطول منى
عاوزة اكبر واستعبط
اوزة سينى هدوم اروسه
وطبعا متنسوش
لوحة شرف
هتوحشونى موووووووووووووووووووووووووووووووووووووووووووووووووووووت

Wednesday, April 30, 2008

شيوخ على ماتفرج


هحكيلكم روايه جميلة اوى بجد عجبتنى جدا


الروايه دى لموليير شكسيبر فرنسا الجامد اوى والروايه اسمها المنافق طرطوف


اللى عاوز يعرف عن موليير يضغط هنا


واللى عاوز يقرا الروايه الاصليه يشتريها او يدور عليها على النت النى هحكيهالكم فى عجاله لان الهدف مش القصة


الهدف من البوست مكتوب اااااخر القصة لكن مش هتعرف تجاوب عليه الا لما تقرا الموضوع من اوله


تبدأ الروايه برب البيت اللى اسمه ارجون اللى كان بيحب طرطوف جدا وطرطوف ده كان رجل دين مسيحى له تأثير السحر على صاحب البيت ده لدرجه انه كان بعيش معاه فى بيته وكان اروجون صاحب البيت يأمن على عرضه خلال غيابه عن البيت ولا يغار من طرطوف رجل الدين الجامد اوى اوى اوى


لكن كل اهل بيته بيكرهوا طرطوف جدا لانه وحش منافق بوشين وعنده شخصيتين مختلفتين


الاولى:شخصية الواعظ الذى يرتدى مسوح القديسين الاطهار(ملكمش دعوة بالكلام الكبير ده) والثانيه -ودى حقيقته-راجل بتاعة خمرة وحريم متهالك على متع الدنيا فى شراااااااااااااااهه


وكان عنده بنت بتحب شاب تانى ورغم كدة صمم يجوزها المنافق طرطوف برغم انه وعدها الشاب اللى بتحبه


(شوف العبط والنبى)


وارجون رب البيت كان عنده ابن من زواج سابق حاول يشرح لابوه حقيقة الشيخ على ماتفرج طرطوف وانه راجل فضيحة والكاس والسجاير مش بتفارق ايده وانه بيتحرش بزوجه ربت البيت ارجون تحرش واضح وكان عاوز منها اغراض دنيئه لكن ابوه طرده وقاله ازاى تتكلم كدة على طرطوف يابن الهوهو


ولما طرده طرطوف قعد ياعينى يتحايل عليه ويقوله اغفر لابنك ده شاب طايش من بتوع اليومين دول ومش عارف هو بيقول ايه النت والبنات لاحسين عقله


لكن ارجون رب البيت مصمم وطرد ابنه وقاله انا كدة مليش اولاد انا متبرى منك وهحرمك من الميراث ومن اللحظة دى طرطوف هو ابنى ووريثى


يقوم طرطوف يرد يقول ايه؟؟ فلتكن مشيئه السماء لو ربنا عاوزنى اكون كدة بالنسبه ليك انا مفدرش اعمل حاجة


لكن زوجه البيه ارجون خبت عن جوزها ان طرطوف بيتحرش بيها مقابل انه ميتحوزش بنتها اللى هى بتحب واحد تانى


وطرطوف وافق


لكن الام صعب عليها ابن ارجون اللى انطرد من البيت وزمانه مش لاقى حته تتاويه وقالتله ابن عنده حق مش بيكدب لكن ارجون مش مقتنع لحد ما اثتتله بالبرهان ان طرطوف منافق


استدرجت طرطوف فى الكلام لحد ما قالها كلام عييييييييييييييب وجوزها كان مستخبى تحت الترابيزة وسمعه ومبقاش مصدق لكن تصرف تصرف حازم


وقاله اطلع بره بيتى فورا


طرطوف قاله بيت مين يابو بيت ده انت اللى تطلع بره البيت ده بيتى(شوف البجاحة) فى جرأه


خليكو فاكرين انه لما زعل من ابنه اعطى كل املاكه لطرطوف


حتى الصندوق اللى كان فوق السطوح اللى كان فيه ورقم يخص الثوريين اعداء الملك والورق ده لصديق ارجون اللى لو حد عرف ان الورق ده عنده هيروح فى داهيه


لا والبجاحة اللى اكتر من كدة انه بعتلو ورقه على يد محضر عشان يسيب البيت هو وعيلته لا وكمان سى طرطوف باشا كعب الغزال اتهمه عند الملك انه مناصر للثوريين والملك قال انه هيبعت ضباط يقبضوا عليه


وطرطوف وصل ومعاه الظباط لكن المفاجأه ان ان ان اه




الظباط قبضوا على طرطوف وطمنوا ارجون ان الملك واخد باله مش نايم على الكرسى العرش
واخدين بالكم من نايم دى


وان كل املاكه هترجعله وخد عفو لصديقه الثورى


وعاشو فى تبات ونبات وخلفو صبيان وبنات


توته توت خلصت الحدوته


هتقولولى وايه الهدف بقة من دة كله


شوفو عندنا كام طرطوف وقت الجد يظهر ندالته المنقطعه النظير


هقلكم شوفو عندنا كام شيخ فاسد وكام شيخ منافق فى كل حى ومنطقة وجامع وقناه تلفزيونيه؟


شوفو كام واحد عامل نفسه شيخ عشان قراله كتابين فى الدين؟


شوفو كام واحد كفر امه محمد علنى قدام الناس كلها؟


شوفو كام شيخ بيطلع كل يوم؟دول هيبقو اكتر من مطربين الدرجه التالته


شوفو كام وكام وكام وكام........ااااااااااااااااه


لو معرفتوش تعدوا على صوابع ايديكم عدو على صوابع رجليكم واذا مكفاش عدو على صوابع اللى جنبك واللى جنبك وهكذا لحد ماتزهق


معا من اجل شيخ لكل مواطن مسلم


انتظر تعليقاتكم