Monday, February 11, 2008

والله وعملوها الرجاله





والله وعملوها الرجالة ورفعوا راس مصر بلدنا


الف مبروك لمصر ياجماعة


لولولولولوى عقبال عندك يا كوتيفوار لولولولولى وعقبال عندك يا ام كاميرون


هى هى هى هى هى


وزرغتى ياللى منتش غرمانة


وايوة يا واد يا ولعه خدها ونزل الترعة


يلا قولو ورايا


ايوة يا واد يا ولعة خدها ونزل الترعة


سيبكم من الواد والولعة ونتكلم بجد


الف الف الف مبروك لمصر


وميت الف تحية للحضرى اللى كان شايل اخر ماتشين لوحدة يظهر مكنش عندنا دفاع كويس اصل انا مش بفهم فى الكورة اوى بس فرحانة لمصر اوى انها فازت وعماله اغنى من ساعتها يلا غنوا ورايا


وكعبو كعبو كااااااااااعبويجينى وانا الاعبه لاااااعبو


دخل الجنينة ودخلت ومعاه قطف الليمونة وقطفت معاه بس حلفت انى مقعدش معاه


وكعبو كعبو كااااااااعبو


المهم يعنى بعد وصله الردح...ااقصد الغنا


فى حاجة غاظتنى وحرقت دمى وطفت الفرحة من جوايا


وهى الملايين اللى اتفرقت على اللعيبة

ليه الاستفزاز دة يا جماعة الناس عاوزة 200 جنية زيادة عشان الكادر واللى نفسه الحوافز تطلع بسرعة اللى هما اصلا 20 جنية عشان يشترى جذمة للواد

وانتو بتفرقو فى ملايين


مهما كان الكورة مش جد لكن الفقر اللى مصر وصلتلو جد جدا واصبح واقع مؤلم


كيلو اللحمة ب40 جنية


حتى الفول بقة بيتأمر وبقة 6 جنية للكيلو

ودة كتير على نبات زى الفول


وانتوو رايحين تحرقوا دم الناس بالملايين اللى بتتفرق


دلوقتى الملايين طلعت؟


خلاص يعنى ديون مصر اللى هى حجتكم خلصت والمشاريع اللى مستهلكة فلوس الدولة انتهت والتضخم الاقتصادى اختفى


كل ده اختفى وبقينا بنفرق ملايين


فاكريين البوست اللى قولت فيه البلد دى فيها خير لكن مش بيتقسم كويس


وهو دة خيردليل على كلامى


اه البلد طلع فيها ملايين لكن الملايين بتروح لاصحاب الملايين اما الملاليم بتروح لاصحب الملاليم


والغنى يزيد غنا والفقير يزيد فقر


واه يا بلد عايزة ولد


يحكمهاويشكمها


وعجبى يا ابويا عجبى

فجأة بقيت بقول شعر :)


بعد كدة لما تحبو تكافئو اللعيبة خلوها فى سركم الناس مش ناقصة حرقة دم


هما خلاص رضيو بالهم


حتى الهم لاوى بوزه ومش راضى بيهم

انتظر تعليقاتكم

6 comments:

HeBa said...

يا بنتي أحنا هنحسد الناس على رزقها

وبعدين أنا حسبتها لقيت لو الفلوس اتقسمت على الكام وعشرين لعيب والجهاز الفني نصيب كل واحد يا عيني مش هيبقى كبير

وبعدين على حست ما سمعت في تبرعات كتير من دول عربية غير كام راجل أعمال مصري
ودول بقى اللي ممكن نقول عليهم لانهم اذا طلعوا ملايين علشان الكورة يبقى ممكن يحاولوا يساعدوا الناس

تحياتي

صحفية روشة said...

يا هبه المكافئات تبقى بعقل
وبلاش نغيظ الناس دة اللى انا بتكلم علية مش بحسد حد على رزقه ولا حاجة
ورجال الاعمال دول بيعملو كدة عشان الدعاية ويتقال اسمهم فى الفضائيات
سلام

عبدالرحمن فارس said...

مبروك لمصر
جميل جدا
طعم النصر

صحفية روشة said...

اكيد النصر حلو دة انا اللى مليش فى الكورة اتفرجت على الماتش

تــــايه ومش تـــايه said...

انتى هتقرى عليهم .ال يعنى لو الفلوس دى متوزعتش على اللعيبه هناخدها احنا .انا مبسوط انهم بياخدو فلوس على الاقل دول مش بيسرقو زى ناس اهم بيلعبو ويفرحونا

صحفية روشة said...

انت بتفرح
لكن غيرك جعان
مش عارف يفرح
حتى لو مصر احتلت قارة اوروبا
انما لما ياخد فلوس وياكل وينتعش ممكن يعرف يفرح
جرب كل يوم تتغدى بطاطس وفول بالطماطم ويوم ما ترفه تاكل مكرونة من غير اى لحوم وابقى قولى شعورك اية
انا نزلت الشارع واتعاملت مع الناس دى بنفسى وعايشين حياه لا ولا انت نحس بيها
احنا قاعدين قدام الكمبيوتر والتكييف شغال والدش موجود
سلام