ملحوظة قبل ما تقرا البوست ده
انا كاتبه جنب العنوان انه مش بتاعى
يعنى البوست مش بتاعى مش بتاعى مش بتاعى والله العظيم مش بتاعى ورحمه جدى ماهو بتاعى ورحمة خالى ماهو بتاعى وبلاش اكملكم بقية اللى ماتو من العيلة احسن لكم
والمصدر بتاعه ايميل ايميل ايميل ايميل ايميل ايميل ايميل ياااااااااااااااااااااااااااااااااااااااااااااارب اللهم قولت اللهم فاشهد عشان ميتعلمش عليا انا مش حراميه
عايز تموت شهيد ؟؟
ياتركب طيارة..ياتركب عبارة
عايز تموت م الغيظ ؟؟
يا تتفرج على القنوات المحليه ...يا تتفرج على ميلودى تتحدى الملل
عايز تموت مخنوق ؟؟
ياتروح مصلحة حكومية.....يا تقرأ الجريدة اليومية
عايز تموت مشهور ؟؟
ياتتجوز رقاصة.........ياتنصب على بنك
عايز تموت مليونير ؟؟
يا تعمل فيديو كليب.......يا تلعب كورة
عايز تموت م الحزن ؟؟
يا تفكر دايما ف أحوالك.......يا تحط الحكومة ف بالك
.عايز تخنق البشر ؟؟
إبعت الرسالة دي
*************************
تحديث
عاوز تموت جعاااااااااااااااااان؟
عيش فى سيناء او العريش اليومين دول
عشان الفلسطينين ياكلو اكلك
والحكومة متجبلكش اكل بداله بالعند فى الفلسطينين
انتظر تعليقاتكم
37 comments:
ههههه
أنا خلاص مت منك ...جميلة والله...
عجبتني قوي بتاعت"عاوز تموت مشهور"...ظ
حلوة قوي
وعلى فكرة..عجبتني مدونتك قوي..دا حتى أنا تقريبا قرأت كل البوستات..
جزيتي خيرا...
اه ..وعلى فكرة ..انا بحب الناس إلي زيي كدة ...نكون نفس الفصيلة ..أنا برده شقي..ومايغركيش كلامي ..لا ..دا بقوا بيحلفوا على شقوتي
هههه
وانا فعلا سعيد علشان انا اول تعليق
تحياتي لكي
مش عايز اموت خالص والله
على فكره بجد موضوع هايل
أفضل مسألة الجواز من رقاصه
بس مين يعرفنى عليها
ممكن تكتبيلنا عن رأيك في صاحبة المهنه دي .. يعنى رأي بنات جيلك المتعلمات
هانى
صحفيه تتحدى الملل
دا طبعا طبيعي جدا اني اموت شهيد في ظل الحكومه دي دا انا حتى لو مت بسكته قلبيه اعتبر شهيد
دا عشان اخر تصريح طلعته الحكومه الي معاه جنيه ونص في اليوم يبقى مش فقير والي بياخد اربعه ونص يبقى مستريح
مفيش بقى عايز للموضوع دا
حد يغطيني ويصوت عليا
ياااااه يا مها
ده مفيش أكتر من الحاجات اللي تخنق
ومن عندي بقى
لو عايز تموت من الضحك
يبقى تقرا تصريحات الحكومة
بوست جامد وعودة قوية
تحياتي
ههههههههههههههههههههه
لسه صحفية بتقول يا هادى وبتقولى اللى عايز يتخنق يقرأ جرنان
تحياتى لك
عبد الرحمن ياسين
ميرسى يا ذوق
ولول عاوز تتجوز واحدة زيى يبقى انت اللى جبته لنفسك
صوت من مصر
ولا انا عاوزاك تموت
بس دى هى الطرق المتاحة للموت شهيد على اى حال
هانى
والله فكره تمام انى اكتب عن الراقصات
بس مش عارفة احضرلها ازاى دى
بس خلاص حطيتها فى دماغى
عبد الرحمن فارس
اى حد اليومين دول يموت مفروس من عمايل حكومتنا يبقى شهيد
المهم مش مكفيهم اللى بيعملوه
كمان لازم شوية كلام يحرق الدم من النوعية اللى انت قولتها
لزوم التحابيش بقة
هبه
انت اجمد ياقمر
وميرسى على الحتة الزيادة اللى ضفتيها فى الاخر
تائهة فى ارض الاحلام
اللى عاوز يتخنق
يقرا جرايد الحكومة اليومية
مدوة لايت اوى و انا يعجبنى النوع ده
بس انتى كاتبة فوق خالص تنبيه لالي بيسرق المحتويات و يحطها في اماكن تانية
بالرغم من ان البوست ده اصلا منقول من اميل اكيد جالك لانه جالى كتير من فترات
اقترح عليكى انك تكتبي في نهاية اي شئ انتى مكتبتهوش انه منقول
لا يا رشيدة انا مش بسرق
انا كاتبة جنب العنوان مش بتاعى
يعنى البوست مش بتاعى
وبعدين فى الاخر مكتوب انشر الرسالة دى
بقة معقول هى لو بتاعتى هكتب انشر الرسالةدى بردة
دة كلام
عشان كل واحدة ينشرها ويقول انها بتاعته
وبعدين صاحبها هو اللى قال انشروها
التحديث بس هو اللى من عندى
اضافة
عايز تموت محبوب عيش وسط الشعب و الحدق يفهم
مستغرب من حاجة كدة
انتي كاتبة فوق ان اللي هيسرق ماتيريال من هنا تقريبا كدة هتمنعيه يدخل الانترنت
مع ان الرسالة دي منتشرة جدا على الفيس بوك
الا لو انتي اللي اخترعتيها
مكن توضيح؟؟؟؟؟؟؟؟؟؟؟؟؟؟؟؟
ملك الكبدة
لو قصدك على الصورة اللى فوق
دى فكرتى
ولو قصدك على البوست
لا
البوست مش بتاعى
وكاتبه جنب العنوان لزق انو مش بتاعى
بس التحديث من دماغى
وانا مش بسرق حاجة من حد
لكن لما حاجة تعجبنى وعاوزة اوريها لغيرى انشرها واقول انها مش بتاعتى انا لا بحب الكدب ولا السرقة
وارجوكم يا جماعة
لو البوست مضايقكم اوى كدة قولولى عشان امسحه
بجد انتي شكلك انسانة دمها خفيف
شكراً على تعليقك عندي يا ستي
و ابقي شوفي الرد
و أنا لسه حأقرأ البلوج بتاعك كله
بس مبدأياً أنا معجب بيه و بروحك الحلوة
:)
عايز تموت مليونير ؟؟
يا تعمل فيديو كليب.......يا تلعب كورة
بقى مبدأ مشهور جدا و فى كتييييييييير
بدا يعمل بيه
بوست جميل جدا
:)
ازيك الموضوع جميل لكن اعتقد ان الموضوع ده مش من تفكيرك الخاص لكن مقتبس وانا متأكد انى صح لكن مش هجزم وأحب اقولك اننا تقريبا من سن بعض ويمكن نكون زملاء كمان فى القسم ومن الأداب وطبعا مش بعدل عليكى لكن نصيحه من أخ بيحبك حاولى تقولى المصدة والحمد لله انا بعمل كده فى مدونتى وتقدرى تزوريها
www.sahafy.blogspot.com
وسلامى ليكى آنسه لولا
مين قال اننا متضايقين
و حتى لو احنا متضايقين مين قال تشيلي البوست
طز في اي حد مش عاجبه البوست
الفكرة بس انك تقولي المصدر
و تحياتي ليكي يا ستي
أقولك على موتة نادرة؟
أموت من الضحك
صعب الواحد يلاقيها في حتة
يمكن في البلوج ده بعد عدد من البوستات وإدمان مافيها من كلمات وحروف
تحياتي للحانوتي
بصراحه انا شفت الكلام ده قبل كده
فين مش فاكر
بس واضح انك منطلقه ومتحمسه
ودى اول زيارة لمدونتك
واتمنى المره الجايه الاقى حاجه اقوى من كده
سلاموز بالموز
انا بستغرب على خفة دمك المبكرة دى
واضح انك كنتى طفلة شقية جدا
الله يكون ف عون خطيبك
ايه يا سوت الصوحفيه هتغلطى ولا ايه فى بتوع العريش احنا ولا بيهمنا حكومه ولا غيرها احنا عندنا اكتفأ ذاتى جامد جدا احنا بدو اصليين يا حبى يعنى ولا حكومه تهم ولا اى حاجه واحنا بنساعد والله الفلسطنين بس مش عارفه ايه غيتهم يخلصوا السجاير يكونوشا بيستخدموها صواريخ
ملحوظه علشان عارفكى هتعوزى تعرفى وتسالى وتتنططى لغايه لما تعرفى هههههههههههه
انا بابا من العريش وعيلتنا كبيرة هناك وبروح بس احنا فىالقاهرة دلوقتى بس اصلنا العريش واوعى وشك من ضرب النار ههههههههههههه
مهندس مصرى شكرا ليك وانشاء الله جاية اشوف التعليق ولما تقرا المدونه كلها ابقى قولى رايك ايه
selfmeaning
ميرسى ياباشا
بقالك كتير غايب
انت كنت بتجيب ازازة ميه من الصومال ولااية؟
المصرى
بص يا سيدى
انا مقولتش ان البوست ده من تفكيرى خاااالص
وانا كمان كاتبه جنب العنوان لزق انه مش بتاعى
مش عارفة اكتر من كدة ايه دليل انه مش بتاعى
انا مكنتش بدعى انه بتاعىوانا بنقله اصلا كتبت انه مش بتاعى جنب العنوان من غير ما حد يقولى
ومفيهاش اى عيب انى اقتبس
العيب انى اسرق واقول بتاعتى وانا معملتش كدة
_______
هو انت تعرفنى؟ احنا زمايل اقصد؟
_______
انشاء الله هزورك
ملك الكبدة
انا بس حبيت اعرضلكم حاجة حلوة عجبتنى موووت
وانا عارفة انه زى ما فى ناس شافتها فى ناس مسمعتش عنها اصلا
واذا كان على المصدر
المصدر ايميل جالى على الهوت ميل بتاعى
الاستاذ
دمك شربات يا مضروب
وكمان عملتنى حانوتى
اتمنى فعلا انى بكون بضحكك اوى كدة
بس ضحك هادف مش ضحك نكت وخلاص
صالح سعيدانا كمان شوفت البوست دة قبل كدة
بس لما جالى على الايميل
هه
والله العظيم البوست مش بتاعى وانا كاتبه كدة جنب العنوان مش عارفة اعمل ايه عشان اثبتلكم انه مش بتاعى
بس عجبنى اوى
لان هو ده حال البلد
وبعدين ياريتك كنت قريت بقيه المدونة انا واثقة انك كنت هتلاقى فيها حاجة هتعجبك
انا عن نفسى فى بوستات هنا انا شخصيا بستمتع بقرائتها
ا.كمال
ربنا يخليك
بس للمعولمة انا كنت طفله خنيقة
ومكنتش بحب العب مع العيال الصغيرين
وخصوصا لما يكون اللعب فيه جرى
لانى لما بجرى ببقة عامله زى البطه اللى عندها التصاق
وبالنسبه لخطيبى
فهو قالى طالما انكم عائله واخده الاعلام مقاولة(انا وقرايبى يعنى اللى بيشتغلو فى المجال)
لازم هتشتغلى فى الاعلام
بس منولوجست
هو خلاص هيتنقط منى
ماهو خالى بيشتغل فى الجمهورية وراجل صاحب نكته بردة
عائله اعلامية كوميدية جدا
ده رايه فينا
تحياتى
ابى
والله بتوع العريش على راسى
بس هما صعبانين عليا
الحكومة بتعاند عشان الفلسطينين
ومنعو توريد اى حاجة للمنطقة فى الفترة دى
وكيس انك عرفتينى الموضوع ولا كنتى هتلاقينى نطالك فى بلوجك بسالك على الحوار ده
سلام يا عبله
اقصد ياابى
انا مش أعرفك شخصيا لكن عرفت انك شخصيه تقبل النقد وأنا بتأسف ياجماعه للمدونة دى وصاحبتها واخلاقها الجميله دى وأنا مش كنت أخدت بالى والله أنا آسف للمره التانيه
اما بالنسبه للنقطه التانيه اللى هى احنا زمايل أو انا اعرفك فـــــلا انا عموما اسمى عبدالله فى كلية الآداب جامعه المنصوره قسم الاعلام الفرقه التانيه وبشكرك جدا على زيارة مدونتى
أخوكـــــى
المصـــــــرى
ولات يهمك يا مصرى
ما محبه الا بعد نقد
الا انت عرفت بلوجى منين وسمعت عنى فين اصلا؟
الله دة انا بقيت مشهورة يا نمامين
هتشوفونى فى ميلودى تتحدى الملل قريب
بي لما بوبى تلبس النقاب
gud pls u and be patient
انتو عبايط وناس فضيه روحو ضوروا علي حاجه تشغلكم جتكم نيله ملاتو النت
لو كنت شجاع او فى فعليتكم حد مكتوب فبطاقته دكر كنت عرفت نفسك مش علقت بغير معرف
وعلى فكرة دوروا بالدا مش الضاد واضح انك خريج ابتدائية بالكتير
Post a Comment