وانا قاعدة على السرير ولابسلكم البيجاما البمبى ومارنبة الربطة فوق راسى عشا ودانى سقعانة الاقلكم الست الطاهرة اليسا هانم كعب الغزل تنشد احد ابتهالاتها عايشالك
بس اتضايقت
بتضايق اوى لما ببص فى التلفزيون والاقى فيديو كليب فى مطربة اساسا صوتها حلو وبتمارس الاغراء بعيونها
عشان تغرى الرجاله
يعنى واحدة زى اليسا فعلا نجمة وصوتها حلو وجمهورها بيحبها
لكن ازاى لازم نظرتين من نظرات العاهرات دى عشان الحلو يكمل ويا سلام لو لا بسة توب والتوب بيتزحلق والشباب بيصفر
ولازم تنام على سرير وتدلع عشان تخلى الشباب دمهم يغلى
الرحمة يا جماعة الشباب عندهم كبت ومش عارفين يتجوزو وانتى بتغريهم جنسيا
سيبكو انتم من العالم الواقعة زى مروة وقميص النوم الابيض اللى لابساه فى اخر كليب
بس دى فعلا لو معملتش كدة محدش هيسمعها
الهى تبقى تتزغد فى ننى عينها البعيدة
يلا اهى خدت جزائها بعد حادثة التحرش الجنسى اللى حصلتلها فى حفلة فى مصر
انا ممكن يعنى ابلعها شوية ان موديل تبص البصات دى اى حتة بت تعمل اللى يقول عليه المخرج وتاخد السبوبة وتمشى وهى كدة كدة واطيه لكن فنانات ليهم جمهورهم يعملو زيهم ليه
لية يا اليسا لية يا باسكال لية يا امه منك ليها ليييييييييييييييييييييييييه؟
طب انتو عاجبكم الكلام دة؟
ينفع يعملو كدة؟
انا عن نفسى من موقعى هذا من فوق السرير اما احدى كليبات الست الطاهرة اليسا بقول ان دة مش عاجبنى
انتظر تعليقاتكم
16 comments:
القصه مش قصة اليسا عملت ولا قصة بسكال لبست ومروه قلعت
القصه ان الموضوع دا اتحول لثقافه عامله واصبح الابتذال هو السائد ، طبعا مش معقوله هتتكلمي حضرتك ويتلغي الاغراء والعهر تاني يوم ، انا شايف انه كمان مش المشكله في الاغراء المشكله في الطريه القذره التي يتم بها زمان كان فيه اغراء بس محدش ابدا حس ان فيه ابتذال او عهر او حاجه من دي
وبالمناسبه الي جي العن واضل
انتي دلوقتي مش عاجبك اليسا ووالي بتعمله وبسكال والي بتلبسه ومروه واللي بتقعله
طب تقولي اي في فيلم هيتعمل اسمه البيبي دول
وستار اكاديمي الي ضافوا فيه حمام السباحه والمايهوات وعلى الهواء مباشره
ما علينا
..
بيني وبينك العوينات دي جامده
بلاش تحطيها لحسن الناس الي داخله متاخدش بالها من المكتوب وتركز في الي فوق
تحياتي
..و..
ود
يا أمي ده بقى زمن هز الوسط
أي واحدة عايزة تنتشر وتبقى مشهورة بتعمل كده
ده غير اللي أصلا بيشتغلوا راقصات وحاشرين نفسهم في الغناء كمان
وكل من هب ودب بقت فنانة استعراضية
وكل واحدة مش لاقية شغلانة تقلع وتبقى مغنية
خلاص كده اللي عايزة تغني وهيا لابسة حشمة مش هتلاقي سكة تظهر بيها أصلا ولو عملت كليب هتفشل ومحدش هينتبه ليها ولا لإمكانياتها الصوتية
والله أنا خايفة على أنغام لا تجنن راخرة زي أصالة
تبقى كملت
سلام
ممكن أسئل سؤال؟
هى ماما نحله؟
عشان تنزل العسل دا كله
اولا انا مش فاهمة الكومنتاللى اتمسح فوق دة مين اللى مسحه
ثانيا صح يا عبدالرحمن ولسة اللى جاى انيل
عندك حق يا هبة
عشان توصل لازم تقلع
لكن هى اصالة اتهبلت وبقت بتعمل اغراء ولا انتى قصدك اية؟
الاستاذ الغير معرف
ميرسى ميرسى ميرسى
بس بلاش تطلع عليا اشاعة انى عسل احسن الناس تقول ايه المدونة اللى بتلزق دى
أصالة من بعد ما اتجوزت طارق العريان وهي بقت روشة
طبعا هي من حقها كإنسانة تحب وتتحب
بس أنا مقدرتش أبلع انها تقبله على الهواء مباشرة أمام ملايين المشاهدين
عموما احنا عيشين فى فتره ادعوها بالبورنو وده نظرا لاستخفاف بعض المطربات البنانيات بصراحه انا حاسس انهم فعلا ناس لا بتاكل ولا تشرب لاكن المهم انها تبقى عاريا زمان قبل الثوره كانت الدعاره منتشره لكن باحترام مش فى العلن زى دلوقتى
انتى بتتكلمى عن كليب مروه صح
صح يا هبة انا سمعت عن الموضوع دة لكن باين عليهم بيحبو بعض ومش هاممهم حد
صوت من مصر شكرا لزيارتك كلامك كله فى الجون
انا هسيب تعليقى ومستنى الاتنين الهديه.على العموم انا مش بعلق على حاجه الا لما احس انى عايز اققول حاجه فى الموضوع ده.
المهم فى ناس حاسه انها مش ممكن تنجح الا لو عملت كدا منهم .معندهمش ثقه فى نفسهم.زى خالد يوسف ويوسف شاهين وايناس الدغيدى .بيحسو ان نجاحهم متوقف على الحاجه دى. او احتمال يكون عندهم عقد جنسيه .وربنا يشفى
تاية ومش تايه
كلامك صح
ويمكن شهوانين وبيشغلو الناس اللى تحت اديهم عشان يتفرجو
واهو كله قلة ادب
على فكرة انتي روشة اوي ودة لفت نظري وخلاني مشدودة اني اقرا
اصلي بقالي كتير ما قابلتش جيل روش طحن كدة
عسوولة
وكلامك له هدف فعلا
بصي هقولك كلمتين خلاصة الموضوع دة
الكليب اللي شفتيه للبعيدة اليسا كان في بدايتها اول سنتين تلاتة كلهم في بداياتهم بيعملوا كدة علشان الانتشار وللاسف كدة الطريق بيبقى اقصر
وبعد كدة بتغطي طبعا هو مش بتغطي بس دة بمفهومها
ومن الاخر كدة هي لو عندها دم ودين كانت اتلمت في بيتها اصلا
بطلوا يفتنوا الشباب الغلبان اللي مش عارف يعف نفسه بالزواج
وللاسف احنا في زمن كله فتن وربنا يرحمنا بقى برحمته ويهدي شبابنا يارب
دمتي بخير
بصى يا قطتى ده عصر العولمة ودى مش مشتقة من لفظ العوالم بتوع شارع محمد على لاء دى حملات غربية لاثارة غرائز الشباب وخلروجهم عن تقاليد وعرف ودين المجتمع الشرق اوسطى لو كل واحد فينا بقى رقيب نفسه متهيالى هنعمل مقاطعة للمهازل اللى بنشوفها على الفضائيات لان كل واحد معاه قلرشين بيفتح له قناة ولا ضابط ولا رابط لما يذاع احنا منقدرش نمسك انتاج اشياء مثل اغانى الكليب الهابطة لكننقدر نمسك نفسنا احنا وما نتفرجش عليها خلى عندكم ارادة يا شباب ماله الراديون
جسر الى الحياة
كلامك ممكن يكون صح انه فى مؤامرة على الشعوب الاسلامية
وياريت الشباب تمسك نفسها
ومش بقول البنات
لانكم انتم اللى بتشجعو الحاجات دى
وانتو اللى خليتو هيفاء نجمة
Post a Comment