ايه رايكم نقول لماما الف مبروك على مكتب الخاطبة الجديد اللى افتتحته
مكتب خاطبتكو للزيجات الفاخرة
اتجوز مرة تاخد عروستين هدية وبت فلبينية عشان نحافظ على ضوافر المدام من شغل البيت
اتجوزى مرة نحوشلك عريسين استبن بالاضافة الى مجموعة سواطير واكياس زباله سودا
ماما الاول كانت شغاله كدة طيارى بتجوز الناس لبعضها
بعض الجوازات كانت بتنجح والحمد لله
وبعضها مكنش بيتم وانتو عارفين تاتى الرياح باية؟
برافو عليكم تاتى الرياح محملة بالاتربه
ومنهم واحدة كان حظها وحش لكن ماما عدلتهولها اصل هى كانت بنت ناس محترمة وامها كمان ست محترمة اكفى القدرة على فمها.......تقع البنت منها على بوزها على طول
وواحدة منهم هى اللى كانت نحس بقى محدش عاوز يخطبها ولا يشوفها والعريس الوحيد اللى شافاها لما ماما جابته مرضاش بيها وقال جات الحزينة تفرح
راحت مشغلة شريط اللمبى ورقصت عليه بعد ماكانت البنت فرحت بيه
ومن ده حالات كتييييير,ده ماما دى عاوزة بلوج لوحدها عشان احكى ليكم مغامراتها
خطيبى اقترح عليها انو مينفعش كدة لازم يبقى فى سبوبه فى الموضوع
بس هى مصممه انها تشتغل كدة اصل ماما واخدة موضوع الخاطبة ده هواية
ماما ماشية تنقر للبنات تشوفها تجبلها عريس
اخو خطيبى عاوز عروسة عشان يتجوز هو كمان
طلب منها تدور ليه على عروسة
فضلت تقوله على بنات واكنهم حاطهام على الرفوف فى العرض
ماما دى اللى هتحل مشكله العنوسه فى مصر
اخو خطيبى:ايوه يا طنط ازيك عامله ايه
ماما:عاملة صينية كوسة فى الفرن تستاهل بقك
اخو خطيبى :لا يا طنط انا بسأل على الصحة
ماما:ودى اطبخها ازاى دى,اااااااااااه قصدك الصحة بمب الحمد لله يا حبيبى
اخو خطيبى:انا كنت عاوز حضرتك تدوريلى على عروسة بما انى عارف انك تعرفى طوب الارض وزلطه
ماما:طب بص انا عندى س.س طالبة بيضا وحلوة وزى القمر
اخو خطيبى: وهتردى عليا امتى يا طنط
ماما:وانت قلقان ليه يا حبيبى يا خبر بفلوس بكره ينزل عليه تخفيض
منفعش س.س
اخو خطيبى :ممكن تشوفيلى واحدة تانى
ماما:عندى ش.م طويلة وبيضا وحلوة وبتشتغل فى الحته الفلانية
منفعتش ش.م طلعت اكبر منه
انا زعلت لما البت ش.م دى منفعتش كده ماماهتطلع علينا سمعه اننا مش بناخد بيانات العملاء كويس وهطفش الزباين وانتو عارفين اكل العيش بيحب ايه
بالظبط كدة
اكل العيش يحب الطعمية
ومازال جاى البحث عن عروسة لاخو خطيبى
اللى عندو عروسة يقولى
وهكذا
متعرفش يا اخويا تعرف البنات دى كلها منين
اى واحد عايزة تجوز بنتها على طول تتصل بماما خاطبة المنطقة
زى مثلا طنط شلقات
ودة النيك نيم بتاعها اللى هذكرها بيه هنا على البلوج عشان الفضايح
ماما نفسها تتخلص من طنط شلقات دى بس هى لزقة بكوله مش بغرا وبس
طنط شلقات:الو ام مها بتاعة بلوج نميمةاناعاوزه عريس لبنتى جميل جمال انشالله حتى يكون له مثال
وجت كلمت ماما فى البيت وانا بقلق من الست دى اصلا محدش ينحشرلها فى حاجة طنط شلقات دى اصلا اول ما دخلت تهل عليها بوشها اللى دايس عليه القطر مرتين ده قولت قال يا محششين يكفيكو شر الكمين.....سورى أأأ اقصد قال يا قاعدين يكفيكو شر الجايين
ماما مشيت معاها فى الكلام عشان تريحها لكن ماما متتصدرش فى جوازة لواحدة زى دى اللى هى اصلا السبب فى عنوسه بنتها لان محدش يناسب شلقات اصلا
ماما:طبعاطبعا انا عندى فلان وعلان وتلتان
طنط شلقات:اى حاجة البت خلاص اكتر من كدة صلاحيتها هتنتهى وريحتها هتطلع
ولما تقعد تتكلم عن بنتها بقة يا سلاااااااام
تقعد تمدح تقول من اول الحلوة دى اسمها عزيزة ومهرها مليون بريزة
لحد انا بنتى ست بيت شاطرة بس الرك على العريس وانتى فاهمة يا مها بتاعة بلوج نميمة
اطبخى يا جارية البوتاجاز مفهوش غاز...أ اقصد كلف يا سيدى
وان كان ليك حاجة عند الكلب قوله يا سيدى
وكلام من ده كتير
هيطلع البنى ادم الرزل بتاع كل مرة وهيقولى وانتى اشتغلتى مع ماماتك فى مكتب الخاطبة يا منمازيل؟
هرد عليه واقوله ابوس كعب رجلك المقشف اتهجى كلمة مزمازيل مرة واحدة صح قبل ما اموت وبطلع تطلعلى كل شوية تخضنى انا وزوارى فى البلوج
وهقوله ايوة يا عم الكتكوت اشتغلت مع ماما بس انا مش محترفة انا بس مساعد خاطبة لسه
خطيبى بيتحدانى انه يفتح مكتب خاطبه وينافسنا بس بعينة احنا العملاء عندنا اكتر
اى حد عاوز يتجوز اى واحدة هتموت وتتجوز
تبعتولى الاسم
والعنوان
ولون الطقم اللى انتو لابسينه حالا
دى بيانات مهمة محدش يستهتر بيها
انتظر تعليقاتكم
75 comments:
ما شاء الله على الست الوالدة , و مش هقول يا بخت من وفق راسين فى الحلال , لكن هادعيلها و اقول ربنا يجعله فى ميزان حسناتها و ميزان حسناتك بما انك بقيتى دراعها اليمين أو المساعدة بتاعتها
و عموما أنا أخدت الكارت بتاعكو , و ناوى ابعت لكم ناس كتير , بس أهم حاجة متنسوش العمولة بتاعتى
الحمد لله اول تعليق
بس لى وجهه نظر ان الجواز بالطريقه دى فاشل تانى حاجه انا ملحقتش انزل البوست الا ولقيت الصحفيه بتكتب تعليق وبتقولى انا فرحانه لانك خرجت من الاكتئاب الى انت فيه بس نصيحه واحده للشباب الى عايز يتجوز يمشى يفتح البلوتوث ولا ايه يا صحفيه
على فكره انا بشتغل نفس المهنه المقرفه دى ؟
بوست ولا اروع
ربنا يخليهالك ويخليها للشعب .خليها تعمل حسابى فى عروسه بعد 10 سنين كده انشاء الله
السلام عليكم
والله ضحكتيني .....
ربنا يخلي الست الوالدة...
وعلى فكرة..دا عمل ما تستصغريهوش...
إن الواحد يجوز الناس ..ويتعب..دي حاجة كويسة خالص...
بس حضرتك فعلا...دمك شربات
وحلوة فكرة البوست..دا أنا قرأتها مرتين علشان أفهم الألوان...
ههه
تحياتي لكي
اه..كنت هنسى....
إحجزيلي عروسة ....بس تكون تيواني ...ولا أقولك ..خليها يباني...بس مامتك هتعرف تجيبها..
ههههه
تحياتي لكي
جميز متخافش احنا بندفع مقدما
صوت من مصر
لا متقولش انه فاشل
مشفتهوش فشل قبل كدة الا فى حالات نادرة
وانا مش فشلت اهو
وبموووووووووووووووت فى التراب اللى بيمشى عليه خطيبى
اقرا البوست بتاع لولولولوى عقبال عندك يا ام احمد
عشان تعرف اكتر انا قصدى اية
والف مبروك على التفاؤل ويارب على طول
تايه ومش تايه
انشاء الله بس مسبتش بياناتك ليه
عبدالرحمن ياسين العبقرى
ميرسى ليك ياباشا
وعروستك عندى على زوقى
بس بلاش حضرتك دى تانى
خلى البساط احمدى
يعنى انت تقولى يا مها وانا اقولك يا عبدالرحمن
ماشى يا استاذ عبد الرحمن
ازيك يا مدموزيل ههههههه هى بتتكتب كده عموما
حلو قوى حكاوى الخطوبه بس فيه مثل بيقول امشى فى .....ولا تمشيش فى جوازة بس عموما لا كملى على لمثل التانى اسلوبك كويس بس توهتينى ابقى هدى شويه يا مها حرام بس بجد سكر
ليك سؤال عندى على الكومنت بتاعك تعالى ردى عليه منكن لو سمحتى
ميرسى يا ابى
بس انا توهتك فى اية
جايلك حالا يا قمر
الكومنت جالى وانا اونلين
هها
ربنا يخليكي
أوعي تنسيني خليكي في بالك كده
لما تفتحوا المكتب
وربنا يخلي طنط اللي هتحل مشكلة العنوسة
بجد البوست يهلك من الضحك
سلام
هبه
اتمنى انى اكون دايما مصدر انبساط ليكى عند قراءتك لبوستاتى
سلام
هههههههههه
بوست جميل والأجمل هي ممتك
اممممممممممممم
فيها الخير والله ماماتك
ان شاء الله خليها تعمل حسابنا بس لما نوي
تحياتي للماما
صحفية روشة
احنا اصحاب مش كده ولا ايه
ده احنا حتى ف كار واحد
وطنت واحشانى خالص
خالص موت:D
اسلوبك سكر :)
هههههههههههه
بصي رغم انك حاولتي تناول الموضوع بخفة
دم بس هو فعلا موضوع معقد ناس كتير وبقي محتاج خريطة طريق عشان يحل الموضوع ده اللي بقي مسالة امن قومي ومحتاج يعملوا وزارة جديدة يسموها توفيق الرؤس بدال ما تحصل ثورة في البلد
ربنا يستر
وعموما يمكن يكون في ايديكي حل مشكلة تاخر سن الجواز وبلاش الكلمة التانية اللي معقدة ناس كتير انتي عرفاها طبعا , وعلي اي حال الجواز ده ارزاق وحظوظ وفي ناس دايما بتلاقي العضمة في الكرشة
ياااااة
كل دة طوب وزلط
قصدى كل دى جوزات
دة على كدة بشويه اجتهاد من مامتك مصر هتبقى فل الفل ومحدش هيعنس
ربنا يجزيها خير والله حسيت بالشباب
فى ناس كتير بتحب تتجوز بالطريقه دى وفى ناس مش بحب تبقى فرجه لكل واحد نفسه فى جوازه الموضوع قسمه ونصيب
وابقى اكتبيلى بقى اخر جوازة هتم عشان نيجى نبارك
ممكن أسئل عن تناسب سن العروسين
بمعنى يكونوا قد بعض أم لازم العريس يكون أكبر و بفرق أد إيه؟
و لو العروسه أكبر فأنا مش شايف إن دي حاجة توقف الجواز
مش كدا
هانى
طيب .. واللي عنده عمى الوان يعمل ايه ؟
يا مازمازيل مساعد خاطبة
قوليلي لما تترقي في الوظيفة علشان اباركلك
بوست دمه خفيف اوي
تحياتي .. واعذريني على الغياب
طب مش تقولي كدة من زمان؟
يعي أنا كدة عرفت لو مفيش نصيب أبقى أجيلكوا لكن العنوان بتاعكوا فين؟
وبعدين فيه رسوم معاينة ولا لأ؟؟
وحاجة مهمة جداً كنت عايز أعرف العمولة عندكوا كام ولا أروح مكتب تاني بقى؟
وعلى العموم لو مفيش نصيب معاكوا خلاص
على رأي المثل
تبقى في بقك وتقف في زورك
مع أطيب تمنياتي بالسعادة للأخت اللي إتخطبت دي في 15-2 وأنا عيد ميلادي كان في 16-2 والفالنتين نفسه كان في 14-2 إيه الشهر المسخرة ده؟؟
يلا كل سنة وإنتوا طيبين
تحياتي
تعرفى يا مها انا هديكى جايزة الدولة التشجيعية فى حل مشكلة العنوسة
يعنى انا اكتب عنها وانتى تحليها ده ايه الجمال ده
طيب هاتى بقى رقم تليفونك وعنوانك واسم البقال اللى تحتكو
بس بسرعة وحياتك
عبدالرحمن فارس
شكرا ليك يا باشا
سيب بياناتك وهنراعيك انا وماما
مش قادرة
اشكرك بشدة ولو ماما عملت مغامرات جديدة اكيد هنشرها ليكم
الفارس الملثم
لو عملوا وزارة توفسق الرؤوس فى الحلال اكيد ماما احسن واحدةتصلح لمنصب وزيرة
امل عبد الحكيم
كل واحد حر يقرر الطريقة اللى هو يرضى يتجوز بيها
لكن الجواز بالطريقة دى مش عيب خااااااالص
هانى
على ما اعتقد ان العريس لازم يكون اكبر لان فى مجتمعنا الشرقى البنات مقفول عليهم والشباب مفتحين فاكيد احنا بنحتاج لخبرات الشباب الكبير فى الجواز
انما لو البنت دماغها كبيرة فى سن صغير وكمان الشاب زيها مفيش مانع يبقو اد بعض
ده يعتمد على الطرفين اللى هيتجوزوا
عاقلين ولا لسه فيهم طيش
اما موضوع البنت اكبر دى
لو اكبر بسنة ولا سنتين
مفيش مشكله لكن متكونش اكبر منه اوى والا الراجل مش هيقدر يكون مستمتع بحياته معاها
unique
ميرسى ليك ومتغبيش كدة تانى
سلام
الاستاذ
كل سنة انت طيب
واحنا هتلاقى عندنا اللى مش فى اى مكتب تانى
وعقبالك
d.cat
الله يخليكى احنا نحب نخدم بس
هههههههههه
البقال اللى تحتينا اسمه عم هشام
ورقم تليفونى نشرته قبل كدة
اربع اصفار خمسه حمر وتلاته خضر
يلا باى
اوعى تبطلى تزورينى
هو واضح ان معظم كلاى بيتفهم غلط
انا مقلتش ان الجواز بالطريقه دى عيب
لا سمح الله
انا قلت ان فى ناس بتحب تتجوز بالطريقه دى او طريقه مختلفه
وقلت كله قسمه ونصيب
وسورى لو كلامى اتفهم غلط
بسم الله الرحمن الرحيم
الاسم : لماضة والاجر على الله
العنوان: بيت ابويا
لابسه ايه : ترنج بمبى ولكولوك وزعبوط
مش عاوزه اتجوز
ازيك يا بت يا نميمه قصدى يا مها
معلش ياختشى بعيد عنك النت بعافيه اليومين دول
عشان كده مش عارفه اعلق والله ولا ارد على التعليقات
الاقيش عندكوا اوظيفه فاضيه فى المكتب ده لو حتى اشتغل حما انا موافقه
بركاتك يا طنط أم نميمة
بالله عليكى تقوليلها تتوصى بيا وهبقى أشوفك بحاجة يعنى من كوباية شربات لحتتة جاتوة كدة أنتى تأمرى
بس يتحقق المراد وييجى العريس اللى نفسى فيه
وياريت يكون عنية خضرا وبأستك من فوق
:)
تحياتى
ايه ده كله
جوازات على المدونات ....خلاص احجزيلنا واحده واما ييجى دورى ابقا افكر
متنسيش
اولا انا بحيييكى على دمك الشربات
شربات الى بيتشرب مش الى بيلبسوة
شربات ابو لون وطعم مش ابو ريحه
ركزى معايا مش عاوز عته
ثانيا ياستى ربنا يجزيكى خير فى طابور البنات الى بتجوزهم
هههههههههههههه
يسمحكم فى الرجاله الى بتدبسوهم
طبعا كل ست خاطبه بتكون بتجامل البنات بشاباب زى الفل
ولانها من بنى الحريم زيها
من باب الستر والادب بتخبى كل عيوب البنت
الى هى نفسها عارفه ان سيرتها على كل لسان
ومقطعه ولاد المنطقه مشى وخروجات
ومهريه بوس كمان
طبعا الست الخاطبه مش بتقول على الحجات دى
وبتخلى العريس على عماه
على راى المثل
سيب القرد على عماه لما ديله يجى على كفاه
لاء ياستى انا الاحسن الجأ لخطيبك فى المكتب بتاعه
والراجل عمره ما يخدع راجل
ومعرفه الرجال كنوز....يا يا مهزوز
هههههههه
والله انتى هتبوزيلى مفرداتى
تحياتى
والله ساعات أحس ان ده افشل جواز وساعات أشوف بعينى ان احسن جواز
مش عارف
امل عبد الحكيم
انا مش فهمتك غلط انا بس كنت بأكد ان كل اوحد له مطلق الحرية انه يختار الطريقة اللى عاوز يتجوز بيها
وعلى فكرة جواز الصالونات مش فى مصر وبس لانه فى بعض الدول الاوروبيه الناس الى بتنهمك فى العمل اوى معندهاش وقت تدور على زوجة او زوج فبيعملو اعلانات فى المجلات زينا بالظبط لكن هنا للى بيفوتهم القطر وهناك للى عاوز
انا شفت واحد اعلان واحد عامله فى مجله المانية عندة23 سنه وعاوز يتجوز عن طريق المجله
وده شكل تانى من شكال الخاطبه
لماضة
قلبى عندك يا ختشى
انا اخر المرة النت بتاعى كان بعافيه فيها لفيت بيه على كل الدكاترة
اقصد الويب ماستر
المهم
احنا قعلا عندنا نقص فى الحموات
هنحتاجك ونتصل بيكى فى اقرب وقت ممكن انشاء الله
سهر الليالى
الله يكرمك خالتشك ام نميمة قعدت قرت تعليقاتكم واحد واحد وبتدعى للكل وكلكم ليكم عرايس عندها
اما انتى فموضوعك خاص
انا لقيتلك عريس عينه خضرا بس استكه دايب ينفع؟؟؟؟
حسام يحيى
مش هنساك يا معلم عيب عليك
ممكن
بص يا برنس لو تلاحظ انى قولت ان ماما متتصدرش فى جوازة لطنط شلقات خالص معناها انه متتدخلش لواحدة نص كم ولا ربع كم حتى
ودى حاجة نتحاسب عليها يوم القيامة او دبسنا الرجاله لان دى سمعه وشرف واحدة والراجل مالهوش غير شرفه مرضهاش لاخويا ومرضهاش على الغريب
احنا يمكن مش بنسأل على الشاب كويس قد ما بنسأل على البنت اكتر منه
واللى بتتباس فى الحارة الضلمة واللى ركبها وجعاها من كتر المشى مع الشباب بتتعرف وخصوصا انا بعرفهم اووووى بفقسهم
جمهورية مصر العربيه
عندك حق
لكن كل انواع الجواز كدة فيها الفاشل والناجح سواء كان عن حب او تقليدى
ده يرجع لاطراف العلاقة
هل بيرسمو التت على بعض
يعنى هل كل واحد فيهم بيورى للتانى احسن ما فيه ولا بيرويله طبيعته
انا شفت خطيبى فى كل الحلات وهو تعبان وهو راجع من الشغل وهو مبسوط وهو جعان وهو عند برد وهو شعره منعكش
يعنى مش دايما بيجى مرسوم وانا كذلك شافنى فى كل حالاتى كان بيجي يصحينى من النوم وكمان شافنى بمكياج كامل
يعتمد على انهم بيعملو على ارساء قواعد الزواج الناجح ولا لا
هههههههههههههههههههههههه
دمك زي السكر
شد حيلك في شغلانه الخاطبه
ويا بخت من وفق راسين
في الحلال
وهنيالك يا فاعل الخير والثواب
لولا
يكسبك ويربحك يسترك ما يفضحك قادر يا كريم دعواتك معانا المكتب ينجح
يا سلام فين امك دي يا مزمازيل-صح كده-وفين انجازاتها دي
ولا هي زي وعود مجلس الأمم
ما علينا البوست المره دي تحفه
وتلاقيها هي اللي ظبطتك مع العريس طبعا
سيدي يا سيدي تلاقيها نقتلك عريس فول اوبشن بمروحه
ربنا يسعدها ويسعدك
لقيت في بوست فاتني كنتي بتسالي عن رأي الناس ولا مش هتكتبي
لو كنت لحقته كنت زي اي ندل كتبتلك غوري متكتبيش تاني علشان صدعتينا
اوعي تستني رأي الناس في افكارك
اكتبي اللي يعجبك
واللي عاجبه عاجبه واللي مش عاجبه
يشرب من ايه
من التلاجه يا بنت
سلااااااااااااااااااااام
السلام عليكم
أولا:
إيه عبقري دي ....
دا انا راجل على نياتي
هههه
ثانيا بقى...العروسة عاوزها زي ما قلت..يا إمى يباني ...أو لبناني ...أو أقولك...بلاش مستورد ..خلينا في السلعة المصرية..
أنا عاوز واحد دمها شربات زيك كدة...
زيك بالظبت.....
هههعجبتني مدونة حضرتك قوي
قظدي ...عجبتني مدونتك يا أبلة مها قوي
قظدي....
خلاص ..خلاص ..ما نيش قايل حاجة
تحياتي لكي
مدونة حلوة اوى انا اول مرة اجى هنا
بس عجبتنى اوى
الف مبروك يا ماما ع المكتب
بس اللى انا مستغربله هتجيبى عرسان منين لكل البنات دول
دول بقوا اكتر م الهم ع القلب
احم احم 00 لامؤاخذة يابنات
أسلوبك ممتع في الكتابة
وما شاء الله على ماما والخير اللي بتعمله
أتمنى أقرأ لك أكثر
الشنكوتى الكبير
مامالما توعد توفى
وعلى فكرةيا شنكوتى ماما كانت هتضيع خطيبى من ايدى فى الاول
_اقرا لولولولى عقبال عندك يا ام احمد _
وانت تفهم انا بتكلم على اية
بقة كدة
على العموم الندالة ليها ناسها
انا مصدعاك
ميرسى لرايك
عبد الرحمن ياسين
عاوز واحدة زيى
هتندم والله
هتمشى تكلم نفسك
ادعى دعوة حلوة انك تلاقى بنت حلال
مش شقية زيي
سلام
كمال سلطان
الله يبارك فيك
احنا بنعمل اللى علينا
والباقى على ربنا
المهم الشباب يشدو حيلهم
احنا عندنا بنات كتير فعلا
خبيب
اهلا بيك شرفت مدونتى
انشاء الله هنزل يوستات قريب جدا جدا
يمكن كمان 10 دقايق كدة
شرفنى دايما
وقولى صحيح
يعنى اية خبيب؟
اسمك فعلا مفلت للنظر
نورتينا بالزيارة
خبيب اسم صحابي جليل "خبيب بن عدي" ، قصة استشهاده غاية في الروعة وأثرت في جدا لما قرأتها في (رجال حول الرسول) خالد محمد خالد
إن شاء الله هتلاقيها على النت
انتي مش مصدعاني ولا حاجه انتي عسل
بس انا اصلي احب اغلس
سلاااااام
واخيرا وبعد طول انتظار
كتاب يوميات اتنين مخطوبين نزل يا رجاله في المكتبات والمحلات
متوافر بمكتبة عمر بوك ستور
مكتبة مدبولى
الديوان بالزمالك
مكتبة ساقية الصاوى
وكمان حفل توقيع في: عمر بوك ستور
15 شارع طلعت حرب فوق مطعم فلفله ( عند محطة مترو السادات
من الساعه 6 مساء الى الساعه 9 مساء
وذلك يوم الجمعه الموافق 22 فبراير 2008
وقناة OTV هتيجي تصور حفل توقيع الكتاب
والدعوه عامه وهنبقى لمه
تعالوا شرفونا واحضروا معانا اللحظه دي
كلكم مدعوين
طيب انا عايز عروسه ممكن بس السوال وبجد والله فى حد بيتجوز كده اليومين دول عن طريق خاطبه او جوازت صالونات
لذيذ لذيذ جدا جدا جدا وعلى فكرة هبعتلك عناوين واسماء بنات كتير علشان تدوريلهم على عرسان....هههههههههه بجد بوست تحفة
خبيب
اكيد هدور على القصة على النت وهقراها
احمد صقر
عملتلى البلوج مركز دعاية اعلان انت والشنكوتى
على العموم بيتك ومطرحك
الشنكوتى الكبير
الف مبروك على كتاب اختك
هتيجى امتى على الotv
عشان نشوفك وانت واقف ورا الكاميرا وعمال تشاور زى اعلان رامى فى ميلودى تتحدى الملل
رئيس جمهورية نفسى
طبعا فى كتييييييير اوى
لسة بيعملو كدة
وفى ناس حالفين ميتحوزوش غير كدة
ويرفضو اى طريقة تانية
انا مكنش يفرق معايا اتجوز ازاى الطريقة مش مهمة
جنه
انا مستنية الاسامى اهو
هههههههههههههههه
لا يبقى أنتي كده فعلاً لازم تزوري غادة برايد في بلوجها عاوزة أتجوز
يمكن عقدتها تتحل على إيديكي
:)
ازيك أسلووبك جميل لكن انتى عامله زيى تمام لأنى مش بعمل تدوينات بصفه مستمره اتمنى نقول رأى بعض فى مونات كل واحد منا أحوكى عبدالله
مهندس مصرى
انا زورتها مره واحدة بس مقرتش غير بوستين اللى بيقولو انها عملت كتاب
بس لو عندى حل ليها اكيد انا متاخرش
المصرى
بص يا سيدى
انا بعمل تدوينات على طول
ومرة نزلت 5 بوستات فى يوم واحد
بس اليومين دول انا مشغوله لانى بدات اروح الكلية تانى
وكمان انا عروسة ووبجهز مستلزمات الجواز
يعنى انا بس اليومين دول مشغوله
هزورك اكيد
يخربيت فقرك يامها
بجد بوست زى العسل
ملكيش اخوات شباب
يكون دمهم عسل زيك كده
اصل انا شرطى الاساسى اتجوز واحد فقرى
عندك مواصفات
ولا اروح ادور ف دكانه اللى جنبكم
اجدع بنوته
انا معنديش اخوات فى سن الجواز للاسف
لكن ادورلك
مصر مفيهاش اكتر من الفقريين
الأخت العزيزه مها
تحيه طيبه وبعد
اعجابنا بالبوست دفعنا للتفكير فى نقل المناقشه فى الموضوع الى ساحه اكبر ولذلك فكرنا فى تخصيص حلقه من برنامجنا الأذاعى للموضوع وهو اول برنامج اذاعى فى العالم العربى عن النت
وموقعنالتعرفى كافة التفاصيل هو
http://dear.to/cairo
يمكنكم الان التمتع باقوي خدمات من كود نون المميز في الخصومات اي يمكنكم التمتع بها من خلال كوبون خصم نون الذي يعمل علي توفير جميع الخدمات المتعلقة بعرض خصم نسناس فهي يحرصون علي علي توفير تلك الخدمات من خلال موقع نسناس المميز والان تقدم لكم شركات الخصومات كود خصم قولدن سنت المميز للجميع العملاء في كود قولدن سنت المميز للخدمات العملاء والافراد
افضل العروض و الخصومات من خلال اي هيرب علي المنتجات الخاصه بنا موقع اي هيرب بافضل الاسعار موقع جولي شيك حيث يمكنكم الحجز اليكتروني من خلال موقعنا كود خصم جولي شيك ونقوم بارسال المنتج الي منزلك كود خصم شي ان حيث نوفر لكم الراحه بافضل الخصومات كوبون خصم شي ان
يمكنكم التواصلو معنا الان نصلك اينماكنت
تعرف الان معنا على افضل الخصومات العالمية من modanisaموقع التى نقدمة الان فى الق وقت ممكن من مودانيسا بالعربي التى نقدمة الان وباقل الاسعار الرائعة حيث اننا نعمل على تقدم افضل الخصومات الان من عروض العربية للعود التى نقدمة الان فى اقل وقت ممكن وباقل الاسعار الرائعة التى من خلالها نعمل على تقدم افضل الخصومات الان من افضل عطور العربية للعود التى تقدمة الشركة الان فى اقل وقت ممكن وباقل الاسعار الرائعة ويوجد ايضا افضل حجز طيران تجول التى تقدمة الشكة الان وباقل الاسعار الرائعة
يمكنكم الان التمتع باقوي العروض المميزة في كوبون خصم نون الذي يعمل علي توفير الكثير من خدمات المميزة في خصم نون وهم يعملون علي توفير الكثير من الخدمات العامة ويمكنكم الان التمتع بافضل المميزة في كوبون نون العالمي في تخفيف حدة الاسعار
يمكنك الان الحصول على كل ما تريد من الازياء و الملابس من خلال سنتربوينت كوم الموقع الالكترونى الافضل على الاطلاق حيث يوفر كوبون سنتربوينت الكثير من العروض المميزع على جميع الملابس و المنتجات الاخرى كالمفروشات الجميلة اتى تنال اعجاب الجميع لذلك ننصحك بالحصول على كوبون خصم سنتربوينت الان حيث يوفر لكم خصم سنتربوينت الكثير من الاموال
تمتع بافضل فرصة للتسوق عبر الانترنت الان من خلال موقعنا وجوه للتسوق الموقع الالكترونى الافضل نظرا للمنتجات الكثيرة التى يقدمها حيث يوفر متجر وجوه كافة مستحضرات التجميل ذات العلامات التجارية العالمية بالاضافة الى ذلك يوفر وجوه كوم كافة انواع العطور المميزة و باقل الاسعار التى لا تصدق
نوفير اليكم الان من خلال موقعنا افضل المنتجات المتميزه الخاصه بالتسوق الان و بافضل تميز الان كود خصم نون افنان الباتل و بافضل كفائه من خلال موقعنا و توفير افضل العروض و الخصومات المتميزه من خلال موقعنا كود خصم نون فيصل السيف و بافضل تميز تواصلو معنا الان
Post a Comment