صباح الفل على البلوجرية اللى بيقروا البلوج الصبح
ومساء الفل للبلوجرية للى بيقروا البلوج بالليل
المهم سلام مربع لجدعان مصطبتنا اجدع بلوجرية فيكى يا مصر
البوست دة بوست ومش بوست
انا بس كنت عاوزة اتكلم على حاجة ناس كتير بتكلمنى وبتقولى
انتى منين؟
انت بتشتغلى صحفية فين؟
وانتى الجامعة بتاعتك فين؟
بيسالونى المدرج بتاعك فين والسكشن يتراحلو منين؟
ايميلك الخصوصى ايه؟
وكمان يبعتولى ارقام موبيلاتهم عشان اكلمهم
او عاوزنى انا ابعت رقمى عشان يكلمونى
مالاول تانى عشان الحبايب
حبكم دة على عينى وعلى راسى من فوق ودة اللى حسسنى بنجاح بنميمه وان مصطبتى بقت معروفه فى عالم المدونات
بس فى حاجة
مينفعش حد يسال حد على النت هو منين ولو حصل من حق التانى ميجاوبش لو مش عاوز لان دى بيانات شخصية وكتير بنلاحظ ناس مش كاتبه هى ساكنه فين فى بروفيلاتهم
اظن ان دى باينه خالص انها رغبه فى الكتمان وانه لو عاوز يقول كان كتب فى البروفايل وريح دماغه
بالنسبه لموضوع شغلى هريحكم
انا مخرجة صحفية فى جريده سغنطوطه خالص وانا اللى صممت شكلها الاساسى من اول عدد وانا اللى بعمل الماكيت الاساسى وحاجات كدة يعنى وبحدد المقال الفلانى بتنشر فين وفى انهو صفحة
(انا بشرح لان مصر كلها مش اعلاميين وفاهمين)
وبالنسبه للصحافة نفسها مش الديسك والاخراج الصحفى مش هقدر اقولكم فين
اما الجامعه فده سؤالى بديهى تفتكروا بدرس ايه؟
اقتصاد منزلى مثلا!!!؟؟؟
وبالنسبه لارقام الموبيلات دى عيب اوى انى ادى نمرتى لحد وبعدين يا جماعة انا مخطوبه واهلى ناس محافظين والعمليه بحساب مش بالعبيط كدة
وايميلى موجود عندكم فى البروفايل بس اسفة مش الخصوصى بس هو دة اللى بفتحه على طول يمكن اكتر من الخصوصى بواحد وعشرين مرة
***********************************************
تم حذف باقى البوست بناء على اسباب مقنعه لا افضل ذكرها
يمكن ذكرها ولكن فى وقت لاحق
*********************************
انتظر تعليقاتكم
40 comments:
بصي يا قمر هو مبيجبش غير البلد بس
عموما لما بتدخلي من عندك على المدونه مش بيجيب على طول المكان وكمان فيه ناس كتبه مكانها غلط يعني بيظهر البلد غلط عموما هو له ممكيزاته برضه وهبقى اقولك بينى وبينك انا الناس التانيه اللى بتسال فانتى حره ادي اللى انتي عاوزه واللي مش عاوزه خلاص
وبعدين التكنولوبيا سلاح ذو حدين بس للناس النظيفه اللى بتسحدم بقى
المهم هحاول اجيب لكى تمبلت مناسبه او اخلى حد يعملك على عيني انا ليه بكره وخيط الا انتى هههههه
وعموما مش هفتن واقول انتى منين ههههههه
وانتى كمان هتوحشينى بس انا بطل عليكى اهو من وقت للتانى
نسيت اقولك بما انى من المحبين للبرنامج علشان اللى عرفه ليه الصيباغ
انه لما حد يدخل بشتمك بانونبمس بتقدري تعرفى هو مين
وكمان بتعرفر الكم اللى دخل على مدونتك من اماكن تانيه
فهمتي
ويجيب لكي كام واحد من اى بلد دخلوا علشان تعرفي حتى لو من على جوجل بسيرش عادي فبتعرفى انتى حققتى نجاح اد ايه وبعدين يا قمر من الايميل اصلا بتعرفى البد وده برنامج كشف الاى بي يعنى ده مش معضله فهمتى وبعدين مش كله كاتب بلده صح يعنى مش لازم يبقى صح
وبعدين اصلا انتى كده خليتي الناس تركز اشربى بقى هههههههههههههههه لان فيه ناس مش تعرفه اصلا لو كمني سالتينى كنت فهمتك فى الخباثه غير فى بروفيلك بلدك وانتهينا فى الاكونت بتاعم فهمتى
معااااااااااكى طبعا
بس ف ناس مبتعرفش ان ف حاجه اسمها حدود
يعنى انا عادى كاتبه بلدى واسمى الحقيقى مثلا
يبقى اعتبر ان اى حد عادى يحط اسمه الحقيقى وبلده
انا زيك نو واااااى ادى موبايلى لحد مثلا
ف غيرنا بيديه وشايف ان الكل عادى يديه
فهمانى انا اقصد ايه
يعنى كل واحد بيحس ان حدوده هى حدود الناس
مش ان ف ناس ممكن تكون اكثر سماح منه
او اكثر تعقيدا منه
فعلا مفروض كل واحد يحترم حرية الاخر الشخصيه
بس احنابقينا نقول مفروض دى كتير
لدرجه نسينا معاها هو الصح ايه اصلا
تحياتى ياصحفيتنا ياكبيره
ابى
انا عارفة ان بيجيب البلد بس مش اسم الشارع
بس دى فى حد ذاتها غلاسه
افرض انا مش عاوزة حد يعرف
نفرض انى من قنا ومش عاوزة حد يعرف يا سبحان الله
عارفة انك عارفة انا منين
:)
مش مشكله كله كاتب صح او غلط
انا مش كتباه خالص ومع ذلك بيجبنى
اما ابقة اكلمك نبقى نحكى فى المواضيع دى
اجدع بنوته
جبتى من الاخر
كل واحد مفكر ان العادى بتاعه هو العادى بتاع غيره وده غلط
اجمل كومنت وصل لحد دلوقت
بصي هو الحل احنا نلم الرجاله و نقطع الي مزعلك هي سايبا ولا ايه لا انتي وراكي رجاله ياكلو البلوج سبوت كلو
للاسف في عيب خطير في المجتمع عندنا الي هو عدم احترام خصوصية الناس
و مش معني انك مدونه ان مالكيش خصوصيه
تحياتي
والله يا جماعه الحياه ابسط من كده
وزى ما قالت سمسمه اجدع بنوته ان كل واحد له فكره اللى بيحدد يتعامل مع الناس ازاى وعلى العموم انا مكنتش عارف البرنامج ده وهحاول اجيبه بس مش عشان اللى انتى قولتى عليه عشان استفاد بيه زى ما قالت اببى
تحياتى
emy
تشكر يا معلمى
شايلاكى للعوزة
وانا بكره التدخل فى خصوصيات الغير
بحبك يا مصر
انا بقول مقاطعه وانت هتجيبو
يا ربى
زى ماله فوايد ليك له اضرار لغيرك
ولا كل واحد بيبص على مصلحته وبس
ودة من حقك تخفى بياناتك
يابنتى انتى اكيد صح الخصوصيات دى بتاعت كل واحد مننا محدش ليه حق يجبر حد يعرفه حاجة مهما كان الحب والقرب بينهم هو حررررررررررررر
انا معاكي ان كل واحد من حقه يحتفظ ببياناته الشخصية لكن انا حاطة البرنامج ده عندي من فترة ومش شايفة ان فيه انتهاك لخصوصية الزوار لاني مش ممكن اتاكد مين مثلا اللي جاي من عندك انتي ولا حد من investigatorsزوارك الا لو اشتغلت شغل
جامد اوي وبعدين انتي حاطة صورة جوجل ايرث لبيتكم يفضل تشيليها من باب النصيحة لان سهل اوي منها اي حد عايز يعرف عنوانك ده لو كان حد بايخ طبعا
تحياتي
الخصوصية حقك لا جدال
---
"من حسن إسلام المرء .. تركه ما لا يعنيه" !!
فيه كام واحد النهاردة حسُن إسلامه ؟
---
دمتِ بخير
وبلا اختراق لخصوصياتك
الله الله الله..ايه الهنا اللى انا فيه ده...ايه اللى انا بقراه ده ..ياصلاة النبى ماشاء الله كل ده......ايه برنامج الجستابو ده ..ليكى حق يا صحفيه فى كل اللى قلتيه معلوماتى السخصيه انا اديها للى انا اختاره ..مش هوه يتلصص على و يعرفها ...و بعدين انا شايفه انك زعلانه انهم يعرفوا انتى فين....طيب ما هو انتى كاتبه هههههههه
الصراحه المفروض كنتى سالتى مخابرات امن البلوجريه الكمبيوتريه الانسه آبى على سن و رمح ...بجد بجد بتحسسونى انى فى كى جى 1
بجد انا أحترم فيكى محاولة الحفاظ على بياناتك الشخصيه
بس ياخوفى ويادهوتى لو كان ده خوف من الحكومه دى تبقى كارثه يعنى مثلا شوفى العبد لله بيخبط فى كل خلق الله اللى ميعجبوش بيطيح فيه ولا بيهمه وطبعا ولا حكومه تهم ولا سجن يلم دا احنا الصحفيين الجامدين قوى أساتذة فبركه وكمان اساتذة تثبيت بس مش بنحب نستخدمه فى مجال شغلنا وده سبب انى مش بعمر فى جرنال أكتر من 5 أعداد يلا نفسى انسى ضميرى وكنت همشى فى الدنيا دى زى السوسه
تحيـــاتى
المصــــــرى
الحمد لله لحت اجي بدري قبل النيا ماتتزحم
وعموما انتي ليكي الحق في كل خصوصياتك ولكن محبي النكيمة بيحبو يتعلمو منك حاجة يعني
ادعوك لزيارة مدونتي
كما اتمني التواصل الدائم بيننا
السلام عليكم
والله عندك حق فى اللى انتى قلتيه ودى حرية شخصية
حسبى الله ونعم الوكيل
اكيد من حقى وحقك
wanna be
عندك حق الاجبار فى الحاجت دى مش كويس
uniqe
وانا شايفة ان البرنامج ده ضايقنى وبيسجلنى فى كل مكان
وصورة جوجل ايرث مش عنوان بيتنا الحقيقى طبعا انا مش عبيطه
دى عنوان انا معرفهوش
خبيب
هو ده الكلام المظبوط
واحدة مفروسه
انا اكتب مش اكتب
غيرى مش عاوز يقول
كى جى 1 ليه؟
المصرى
شكرا لتوضيحاتك
ابراهيم
اكيد هزورك
رئيسه حزب الاحلام
شكرا
بصي يا مها
أنا مش من مستخدمي البرنامج بس بشوفه في مدونات بزورها
ولاحظت أنه بيحدد البلد والمحافظة
أنتي معاكي حق في موضوع الخصوية
في ناس مش قايلة الحقيقي مش بس مكان أقامتها
طبعا دي حرية شخصية
وكل واحد أدرى بنفسه وحاله وبالحدود اللي بيرفض تخطيها
أنا معرفش فوايد البرنامج اللي الناس قالت عليها لأني مش بستخدمه
بس أنا معاكي في موضوع الخصوصية
مادام أنا مثلا عايزة أحتفظ بدرجة معينة من الخصوصية يبقى مش من حق حد يحرمني من ده
تحياتي
ازيك يا جميل
وحشانى والله
ربنا يوفقك ف شغلك يا رب
ومتديش لحد نمره موبايلك مش هبل هو
بقالك كتير ما زورتنيش
انا زعلانه اهىء اهىء اهىء
هاى
يمكن الناس لما بتحب حد مبيجيش فى بالها حكاية خصوصيات دى خالص
هبه
هو دة بالظبط اللى انا عاوزة اقوله
بنت مصرية
هزورك انشاء الله
باربى جيرل
حبكم على راسى
لذيذه مدونتك يا مها
وحلو إن أول مرة أدخل ألاقى بطاقتك اللى مش مكتوب فيها حاجه دى
فكرتينى بواحد كان عامل كارت
no name
no work
no home
no phone
بس انتى قلتى الاسم والوظيفه
وده كافى جداً
عاجبانى أوى العناوين اللى على كل سكشن ف الصفحة
لأ فعلاً صحفيه روشه ودمها خفيف
فين بقى التعليقين الهدية؟
هبه المنصورى
والله موضوع بياناتى دة صعب شوية احنا عيلة محافظة وسمحولى باستخدام النت لكن بشروط
وانا اكره انى موفيش بوعدى مع ناسى
اكيد هزروك
السلام عليكم ورحمة الله وبركاته
موافقة على كلامك جدًا
كل واحد وعارف هو ممكن يقول وميقلش ايه واللي عايز يقوله اكيد كاتبه في البروفيل في التعريف به المدونة بتاعته واللى مشش عايز يقوله اكيد يعني يبقى بيعتبره من خصوصياته يبقى مينفعش خالص اسأل خاصة لو مفيش معرفة تأهلني أو تديني الحق اني اسأل
وبعدين هو احنا بندخل المدونات نقرا البوست ونعلق ونكتب ايه لازمة رقم الموبايل ؟؟؟؟؟
تحياتي
صحفية
اولا دا حق اى بنى ادم خلقة ربنا انه يكون عنده اسرار
بس بالنسبة لانك منين
فانا عرفت انتى منين بمجرد دخولك مدونتى
مش بالترافيك العادى
فى ترافيك تانى فى الاستخبوص
بيدلنى على العنوان بالتحديد
بس لعلمك دى مش مشكلة
بس اللى بيطلب رقم الموبايل دا يبقى رزل جدا
بس انا عن نفسى اى حد عاوز الرقم
دا انا ممكن انزله فى بوست لوحده
مش مشكله
بس انتى بنت و مخطوبة كمان يعنى ممكن يسبب مشاكل
ـــــــــــــــــــــ
تحياتى ليكى و مبروك على النيو لوك
بس فى تيمبليتس كتيير احسن من ده و تليق على اسم المدونة
لو احتجتى اى حاجة فى الحوارات دى
دى بقى لعبتى
سلامى ليكى
و ممكن رقم الموبايل ههههههههه
هزار طبعا اوى تخديها جد
جيهان على
بالظبط كدة
انا عارفة انااقدر اقول ايه ومقدش اقول ايه
ودى من الحاجات اللى مش عاوزة اقولها
مواطن مصرى نايم
بردة اللى انت عملته غلط
انت كدة اتجسست عليا
ايه فايدة انى بخبى بياناتى لما انت عارفها
_______________________________
انا محتاجة الاقى حاجة تبع اسم نميمه فعلا
ويكون تيمبل شيك
بجد البوست جامد
بس نصيحه متبقيش تكتبي الكلام ده علي البلوج
يعني زي ما آبي قالت بتخلي الناس تاخد بالها
و لكن .. هذا لا يمنع ان الموضوع بجد
انا حاسه اني كنت عاوزه اكتب زيك كده :)
ياللا انتي شكلك سبقتيني
ياسميـن
نوته و قلم
Gh
Post a Comment