بعد الاجماع بالموافقة على وجود مدونة لوحة شرف
انا عملتلكم لوحة شرف ينشر بها مقالات كل من دون فابدع
هتقولولى وهتجيبى المقالات منين
هقلكم الناس اللى بتعلق عندى هزورها واللى هيعجبنى من كتاباتهم هنشره واكيد هعرفهم قبلها انى هعمل كده
هتقولولى طب واللى معلقش عندك
هقلكم وانا اعرفه منين انا معرفش غير المدونين اللى بيعلقو عندى
استعدوا ببوستات جامده وانا هنشر اجمل بوستات امتعت لجنه الحكام الاجانب اللى مش هقلكم هما مين اصلا
وكل البوستات الحلوة هتتنشر يعنى مش ساخر بس ولا سياسى ولا نوع واحد فقط
الحياه ضحك ولعب جد وحب عيييييييييييش
اللى عاوز يشوف المدونة يضغط هنا
ومش عاوزين كلام بايخ واللى يحبنا ميضربش نار عشان العروسه حامل
سلام
انتظر تعليقاتكم
20 comments:
استرررررررر ياااااااارب
سيررري يا نورماندي :D
هو تصويت زى بتاع مجلس الشعب ولا ايه
ما انا ومها قلنا الفكره صعبه ومش هتححق الاهداف المنشوده
ههههههههههههههههههههه
سيرى ع بركه الله اما نشوف
هههههههههههه
هى فكرة كتير حلوة وخصوصا ان فيه مواضيع متميزة لناس كتير وطبعا الحظ مش بيحالف الكل لقرائتها بس انا عايزة اعرف لو مفيهاش غلاسة يعنى مين الحكام اللى من بره دول؟
وعجبنى جدا استئذانك لاصحاب المدونات وعشان كده انا متنازلة عن الهديتين اللى وعدتى من يعلق بيهم لكى
فكرة هايلة بس تكون بكل حيادية
عيش يا ريس عيش
ليكى عندى تاج تعالى خديه
بونجو
رنا يستر
بطوط حبوب
معقدها عليا ليه
واهداف ايه
انا هدفى الوحيد لفت الانظار للتدوين الحلوة
وغالبا مش هتكون سياسيه الا اذا كانت مميزة اوى اوى
احنا هنشجع اللعبة الحلوة
موناليزا
شكرا لانك عذرتينى فى هدايايا لانى فعلا هنشغل شوية اليومين دول فهنجل لكن مش هنلغى الهدايا
ادعيلى
هيثم
اكيد بحياديه امال انا جايبه الحكام من بره لييييييييييييييه؟
تايه ومش تايه
رنا يوفقنى
جايالك اخده
انا شفت المدونة التانية ,واتمني ان فكرتك يكمل نجاحها كما تصورتيها.....
بس انا عاوز اعرف بس مين الحكام عشان نربط معاهم من دلوثتي ههههههههههه
تحياتي
محمد
الفارس الملثم
انسى لا يمكن اقلكم مين الحكام
وبعدين تربط معاهم ايه
لمهمش فى العربى دة انا اللى بترجم
مش بقولك حكام من بره
تصدقي اني كنت بافكر اعمل حاجه زي كده
بس مش في مدونه تانيه
كنت بافكر اعمل موضوع ثابت كل اسبوع وانزل فيه احلى موضوع قريته وعجبني في الاسبوع كللو
بس انتي عارفه المشاغل بقى .. يعني في بتاع اربع عزب لازم اراعيهم .. على سبع قرى سياحيه منتشره في ربوع البلاد .. على اسطول الطيارات اللي عندي .. مشاغل مشاغل يعني مش تهريج
يلا ياستي ربنا يوفقك والمدونه الجديده تعمل شغل عالي زي الشغل اللي انتي عاملاه في المدونه الاصل
سلاموووووووووووووووووووووووز
هى فكرة هايلة بجد
وربنا يكون فى عونك وعون الحكام انهم يلحقوا يقروا كل الكم ده
اول مرة ازور مدونتك بس بجد غاية فى الروعة بجد تحياتى
ملك المصرية
يعنى اللى هيقرا ويمشى مش هيعلق مش هيتنشر له حاجه فى مدونة الشرف؟
soooooooo
ربنا يكرمك وتقدر تلاحق على الكم الفظيع من الشغل لادارة املاكك
بقولك ايه مش عاوز حمله مفاتيح زى هارون
انا مستعدة للشغلانه دى
اهو دة عيبه
ادعيلنا
احنا شغالين من نار
ملك المصريه
شكرا ليكى واتمنى انك متبطليش تزورينى
بحبك يا مصر
مقصدتش كدة ماهو عندك بنت مصرية معلقتش عندى لكن البوست فعلا كان دمه خفيف فاتنشر
لكن انا اقصد انا مبعرفش غير اللى يعلقو عندى
وهما دول غالبا اللى هيتنشرلهم بوستات
Post a Comment