البوست ده ليكم وبيكم
مجرد اقتراح عاوزة اقترحه عليكم
عاوزة اعمل مدونة اسمها لوحه شرف
كل اسبوع ننشر فيها احلى بوست اتقدم من وجهة نظر لجنه الحكام(اللى هى طبعا مش انا) لانى هجيب ناس من بره لان كلكم اصحابى وحبايبى ومش عاوزة حد يزعل
يعنى من الاخرواللى يزعل قدامه 4 جدران فى الاوضه ينقى الجدار اللى يعجبه ويخبط دماغه فيه هههههههههه
هنعمل مدونة اسمها لوحة شرف هننشر فيها احلى بوستات فيكى يا بلوجر
ودى فكرتى وليا حق الملكيه فيها
واياك حد يقلدنى والا هحلقلقه شعره زى القرد اللى وقف العربيات لما طلع فوق العمود وبقت الاشاره حمرا
عارفة انكم مش فاهمين موضوع القرد
مش مهم
المهم تقولولى رايكم ايه عشان برده اللى يشوف بوست حلو يشاورلى عليه وانا انشره
واول بوست هيتنشر هيكون من نميمه
هتقولولى ليه؟
(عشان محدش يزعل ويقولى (مع انى كان نفسى ابقى الاولانى
انتظر تعليقاتكم
28 comments:
كده انا اول تعليق الاول ده مش محسوب
فكره هايله وجميله شوفتى انا حظى حلو ازاى اجى على اقتراح جميل زى ده
مواااااااااااافقه
اه موااافقه زى بتاعة مجلس الشعب
تحياتى
هههههههههههههههه
تعرفي دمك خفيف بجد
بالنسبه للموضوع اللي سيادتك طرحتيه فدي أول زياره ومش عارف ليه الحق في ابداء الرأي ولا لاء
عموما مش أنتي أول حد يعمل كده
عمنا أحمد شقير عامل كده في المدونه بتاعته
أسلوبك جميل جدا جدا
أول زياره بس أن شاء الله مش هاتكون الاخيره
خالص تحياتي
بحبك يا مصر
ميرسى ليك جدا
حلوه جدا الفكره دى
معاكىىىىى
احم احم
كرئيس هيئة التحكيم
بداية فكرة حلوة اوي ..
واول مرة اسمعها بس اتجيبي لجنة من بره ازاي ,اجيبي حكام اجانب مثلا زي بتوع الكورة ولا ايه مممممم ...
ربنا يوفقك في تنفيذ الفكرة كما تتصورنيها
تحياتي
محمد
حكام اجانب علشان يبقوا محايدين ههههه
سؤال بقي
الناس اللي هتشارك في المدونة دي هتبقي partner
و لا كل البوستات هتبقي بأسم واحد ؟؟
و اللي هيختارهم هيختار علي اساس ايه ؟؟
المهم الفكرة حلوة عموما بس محتاجه توضيح اكتر
مش عارفة حاسة الفكرة صعبة فى تنفيذها لأننا مش ممكن نعرف كل المدونات اللى على البلوجر وكمان باتصور إن مافيش تدوينة أحلى وأوحش .. كلنا بنكمل بعض بإحساسنا .. كل واحد له أسلوب واحساس واهتمامات مختلفة
وف الآخر هو ده اللى بيصنع البلوجر
تحياتى لك يا أروش مدونة
دوسي يا بنتي
على بركة الله
الشارد
شكرا ليك على كلامك الحلو
وربنا يعمل انى مسرقتش حاجة ولا سرقت فكرة
ومعرفش مين احمد شقير اصلا
ولا عمرى زرته
انا مبداى انى مسرقش فكرة مش بتاعتى
ولو اخدت فكرة حد بعرفه
اجدع بنوته
شكرا لتشجيعك
بس طقم الحكام من بره
الفارس الملثم
ايوة سعادتك طقم الحكام من بره
شكرا لتشجيعك
bongo
والله انا هتجول بين المدونات ومدونات تشيلنى ومدونات تحطنى واكتر بوست هيعجبنى اكيد هنشره
ولو حد شاف بوست جامد يقولى
ولو حد عنده بوست جامد برده يقولى
المهم اننا نلفت الانظار للاستاذ المدون الكاتب المتميز ده
مها
مفيش احلى واوحش
احنا بس هنلفت الانظار للبوستات الحلوة
لكن مش معنى كدة ان الباقى وحش
واكيد تنفيذها هيبقى صعب
بس ادعولى
لماضة
انا هدوس وعينى على الاسفلت
انتى بقة لمى الاجره
هى الفكره طبعا حلوه
وطبعا صعب تنفذها
ولو نفذتوها اقترح انكم تخلوها ذات لون واحد
عشان يبقى سهل نختار
يعنى اما ساخره او سياسيه او رومانسيه
او قصص
او شعر ..الخ
وبالتوفيق
فكرة جميلة بجد.....وحلوة اوى
فكيرة حلوة
Waiting For Action
السلام عليكم
الفكرة جميلة
علشان نقدر نعرف بردوا الافكار الجديدة
انا موافق بس على شرط
ان اول لوحة تكون ليا
هههههههههههه
فكرة جميلة
بالنسبة للحكام
عاوزين حكام من ايطاليا
و يكونوا بيحكموا فى الدورى الانجليزى
و يكون شعره اصفر
هههههههههه
سلامى ليكى
ههههههههههه
حلو موضوع القرد ده ، صورة كاريكاتورية مذهلة
فكرة كويسة طبعا يا نميمة ، بس هل حتكون البوستات عامة ولا حيتم تصنيفها
كان فيه مسابقة قبل كده على مدونة مش فاكرها ، وكان الإختيار وفقا لأفضل تدوينة اجتماعية وسياسية وأدبية وهكذا
Go on
وانا معاكي
أنا طبعا موافق بطوط حبوب فى اقتراحه بس رأيى إنها تكون فى كل نوع كتابة يعنى نختار بوست مميز فلا كل مجال سياسى او اجتماعى أو ادبى او خلافه
وطبعا انا معاكى يا ريسة بس يا رب تتنفذ صح
تحياتى
بطوط حبوب
معتقدتش انى هخليها كلها لون واحد
الحياه لعب وجد وحب
تهريج وسياسة ورومانسيه
لو ضحكنا طول الوقت بقنا هيوجعنا
والسياسه كلنا بنشوفها فى نشره 9
والرومانسيه الواحد ممكن يجيلو حموضه منها لو بقت هى اللى طول الوقت موجودة
لوحة شرف متنوعة
جنه
شكرا ليكى
انا من كنت محتاجا
انشاء الله هنشغل المدونة قريب
son's egypt
اه فعلا لازم نلفت الانظار للمدونات الكويسه
مواطن مصرى نايم
طقم الحكام اجانب باذن الله ولكن
يشترط درايته باللغة العربيه
د.اشرف
لو رسمت الكاريكاتير ده ابقى افتكرنى
وابقى ابعتهولى كمان عشان اشوفه
والله انا مش هختار التدوينه وفقا لاى حاجة
مش عشان اجتماعية ولا سياسيه ولا دياولو
اللى هيمتعنى بكلامة فى التدوينه هنشرها
ايمن بدر
معتقدتش انى هخليها كلها لون واحد
الحياه لعب وجد وحب
تهريج وسياسة ورومانسيه
لو ضحكنا طول الوقت بقنا هيوجعنا
والسياسه كلنا بنشوفها فى نشره 9
والرومانسيه الواحد ممكن يجيلو حموضه منها لو بقت هى اللى طول الوقت موجودة
لوحة شرف متنوعة
وشكرا لدعمك
Post a Comment