بناءا على زن الجماهير على ودانى والمقصود بالجماهير هنا كل اصحابى اللى فتحوا البلوج وبعتولى على ايميلى عشان يعرفو اية اللى حصل مع استاذة امل
الموضوع زى ما قلت قبل كدة تافه جدا
كل الحكاية انى سالتها:حضرتك بستخدمى النت
قالتلى:اه
فعرضت عليها تاخد عنوان البلوج بتاعى عشان خاطر تشوفه ويشرفنى انى اعرف رايها اية
المهم مفيش ثانية بطلع قلم من جيبى عشان اكتب البلوج لقيتها راحت منفضالى وماشية
يرضيكم كدة؟
وكان معايا اصحابى قالولى هى بتعمل معاكى كدة لية واتحرجت اوى هيجى واحد يقولى وانتى زعلتى لية وكتبتى البوست بتاع مقلب كبير خلا قفايا يقمر عيش؟ ماهو الواحد دة كل شوية ينط عليا زى البراشوت ويسألنى وساعتها هقوله
انتو عارفين انا زعلت لية وجيت بعصبية وكتبت البوست بتاع مقلب كبير خلا قفايا يقمر عيش
عشان بحبها
ايوة عشان بحبها
ولو مكنتش بحبها كنت هزعل لية
الواحد بيزعل من الناس اللى بيحبهم واللى عنده عشم فيهم انما لو انا مش بحبها مزعلش منها والموضوع ميجيش على بالى اصلا
دة انا من كتر كلامى عنها ماما وعاوزة تشوفلها عريس اصل ماما عاملة فيها خاطبة اليومين دول بعدما وفقت 3000 راس فى الحلال
ولا انتو اية رايكم يا اعزائى البلوجرز ويا زوار بلوجى الغالى
انتظر تعليقاتكم
2 comments:
معجبنيش تصرفك
هى عشان معيدة يعنى شايفه نفسها
بتديها البلوج بتاعك لية؟
ليه انتى اللى تعرضى
واكنك بتشحتى منها
عارف ان كلامى جارح
لكن دة رايي
على الحو
دمنهور
على الحو
مش مهم اذا كان عاجبك تصرفى ولا لا
لانى انا مكنتش بشحت منها
انا كنت عاوزة اشوف رايها كواحدة هتبقى دكتورة فى فن الصحافة
وميرسى لزيارتك لبلوجى
Post a Comment