مش قولتلكم ان اللى هينشر حاجة من البلوج دة هعرف مكانها
ولم اكذب
لكن اطمنو محدش يسئ الظن فيه مطلعتش حراميه
دة شوية وكانت هتكتب فيا قصيدة مدح
شكرا ليكى
وابقى دايما ادخلى نميمة وعلقى
يا فرحة ابوكى بيكى يا نميمة
شوفو اللينك هنا
ودى مدونة هالة حلمى بطرس
اللى كتبت عنى فى الموقع اللى فات وفى مدونتها
*************************************
تحديث
معلش مازلت لسه بحضر حذارى من ثورة الجياع
لكن كتبته اكتر من مرة ولسه مش مقتنعة لكن اخر ما هزهق
هكتب اى حاجة وخلاص
وتحياتى للى هيستحملنى ويقرا العك اللى بكتبه
29 comments:
ناصحححححه
يانميمه ياختى
ميتخافش عليكى
ههههههههههه
شكرا يا اجدع بنوته
لا بجد جامده ..... مش كنت أعرف انك كده بقالنا كتير مش شوفناكى
تحيـــــاتى
المصـــــــــــــرى
المصرى
فرجللو قال
لا طازج الا الطازج
وانا بقول
لا جامد الا الجامد
انا لما دخلت عندك أول مرة لقيتك محجبة المدونة ... وماحدش يخطف وماحدش يلطش والكلام ده
بس لما لفيت علي المدونات ولقيت واحدة هانم واخدة كلام من عندي وملوناه بألوان كمان وتحسي ان الكلمات دخيلة علي الموضوع وياريتها لايقة علي بقيت أسلوبها
اتفقعت الصراحة اكتر ماأنا مفقوعة
بس هي دي مشكلة النت مافيهوش حماية للملكية
انا باخد صور أصلي مش عارفة أجيبها منين وأكيد الصور مابتبقاش إبداع لصاحب المدونة
تحياتي ياأحلي صحفية روشة
عظيم جدا
عظيم قوي
عظيم خالص
انتي طلعتي جامده اهو
ههههه
إنتي عندك عيون وحاطة جواسيس ...
ماشي ...إنتي بتشتغلي في المخابرات ..ههه
ماشاء الله...
مستني الثورة ...وهبلغ عنك أمن الدولة هه ..بس كدة..
هههههه
تحياتي لكي
لئه متابعه بجد
بتابعى كل المدونات بقه عشان تطلعى اى مدونات بتجيب سيره مدونتك
ننتظر كتابك مش بوستك عن ثوره الجيا ع
سلاااااااااااام
المفقوعة مراراتها
انا مرشقة المدونة اسلاك شائكة وقنابل واسطوانات متفجرة تحت الكيبورد ومظبطة
انا بس حبيت اوري اى حد بيفكر يسرق انى مش نايمة على ودانى
سواء على بلوجر بلوج سبريت ورد بريس اى عفريت ازرق هجيبه
وعندك حق مفيش حماية لاغلب الناس
لكن انا عندى حقوق حماية فكرية واللى هيسرق هيعرض نفسه بجد للمسائلة القانونيه
بس اوعى تتفقعى بليز
وحاولى تفقعى مرارة اللى سرقت منك هى واللى جابوها
هههه سلام
عبدالرحمن فارس
انا مش بتاعة الكلام دة(الهئ والمئ) انا بت طول عمرى جامدة
عبد الرحمن ياسين
لا امن دوله يلم ولا حكومة تهم
دة احنا اللى دهنا الهوا دوكو
ههههههههههههههههههه
حسام يحى
كل المدونات على كل المواقع من اول مكتوب بتاع المخابرات العامة الاماراتية
لحد ورد بريس وبلوج سبريت واى نصيبه بيتكتب فيهااى حاجة
واى موقع دبلو دبلو دبلو دوت اى حاجة دوت كوم
برده متابعة
مش قلتلكم اللى هيسرق حاجة هعرف
بس استاذه هالة مكنتش حرامية
فين الموضوع لانى بقيت داخل الثورجيه وشكلى بجد هكون الريس
تانى حاجه بجد الف مبروك
والله السرقة من على المدونات دي مشكلة عقبال ما قانون الملكية الفكرية بتاعنا يكمل ويبقي شبه القوانين بتاعة باقي دول العالم والنت يبقي عليه حمايه
مستني الجديد
تحياتي
صوت من مصر
والله انا خلاص زهقت من كتر تقطيع الورق وشكلى هكتب اللى هيجى على دماغى وخلاص
مبروك على اية
درش
لو بقى فى قانون حماية ملكية فكرية جامد اوى اوى فى مصر
دى هتبقى هيصة والناس هتلبس الاندر ورور وهيبقو عمد
الست اللى انت فرحانة قوى انها نقلت عن مدونتك دى واحدة مسيحية متعصبة وطول النهار تشتم فى المسلمين ومكرسة حياتها ومدونتها للهدف ده
يعنى مش شرف لأى مدون إنها تذكر اسمه فى مدونتها المبروكة
وبعدين ايه يلطش ويسرق والقاموس المخابراتى ده
يا بنتى انتى مش محتاجة تراقبى فضاء الانترنت ليل نهار عشان تعرفى مين سرق من عندك .. لأن أى سرقة المدونين بيكتشفوها ويقولوا لبعض عليها لأننا طول الوقت بنلف فى المدونات وعارفينها
والفيصل هنا لتاريخ النشر يعنى سهل أوى أى حرامى ينكشف
وبالتالى مافيش داعى لبالطو كولومبو اللى انت لابساه فى عز الحر ده
ما تعذبيش نفسك فى حاجة مش مستاهلة
واللى خايف مووووت على تدويناته يروح ينشرها فى كتاب وياخد بيها رقم إيداع لأن من غير نشر ورقم إيداع من دار الكتب مش ممكن ترفعى قضية حقوق ملكية .. كبيرها تفضحى اللى سرقك لكن عشان التعويض والحقوق القانونية لازم لازم رقم إيداع وذلك لحين صدور قانون حماية المدونين
بلا هالة بلا بطرس .. بلا
اولا مسمحلكش تتريق عليا وتقولى بالطو كولومبوس والكلام الفارغ ده
ثانيا دى مدونتى انا اكتب فيها اللى انا عاوزاه مش اللى انت عاوزه
عندك مدونتك اشطفها واكويها ادعكها وحميها
وكفاية انك مطلعش عندك شجاعة تقول انت مين
ثانيا انا مش فرحانة ان حد كتب عنى
انا مبسوطة عشان انا مطلعتش كدابة وصدقت لماقولت انى هعرف اى حاجة اتنشرت عن مدونتى
وانا معرفش هالة حلمى ولا قريت مدونتها عشان معجبتنيش اصلا
انا قريت اللى يخصنى وخلاص
وعلى فكرة دخول نميمة مش اجبارى بالنسبة ليك
محدش ضربك على ايدك وقالك ادخل مدونة مش عاجباك
صباح الخير
ولا يهمك ، دي أكتر حاجة بتحصل دلوقتي على المواقع العربية بشكل عام مش بس المدونات
ممكن كمان تلاقي موضوعاتك في منتديات ومواقع
أنا الموضوع معايا وصل لمرحلة إن مجلة قطرية عريقة جدا كانت بتاخد الكاريكاتير بتاعي وتنشره بعد محو حقوق النشر والإمضاء
بس تأكدي أن ده معناه نجاح كتاباتك
نصيحة كمان ، تجاهلي أي حد يهاجمك هنا أو يسيء ليكي بأي صورة
بالنسبالي يا إما بمنع التعليقات دي أساسا لأنها حتدخلني في مهاترات يا إما أتجاهلها خالص ، ساعات الرد علي الناس بيعطيهم أهمية لا يستحقونها
تحياتي
د.اشرف
والله انت دايما اللى بتزقنى لقدام
انما الناس اللى بتنقد نقد مش بناء دى بتدفع للامام بردة بس عشان تكفى الواحد على وشه زى ما يكون واقف فى طابور
وبصراحة المجله عندها حق
كاريكاتيرك ميتفوتش انا لو مكانها اعمل اكتر من كدة:)
بس فى حاجة انت بتقول اللى مش بيعجبك بتتاجهله
انتة مردتش عليا اخر مرة
كان قصدك تتجاهلنى بقة ولا اية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بقالنا كتير مش قرأنا جديد .. شوتى انا متابع ازاى؟
ياريت تتابعينى انتى كمان
تحيــــاتى
المصــــــــــرى
ههههههههههه
لأ طبعا ، أكيد ما أقصدش كده :)
ساعات مابردش لسبب تاني خالص وهو إني حابب أكتب الموضوع وأسيب الناس تقول رأيها على اعتبار إن صفحة التعليقات دي مش بتاعتي ، دي بتاعة الناس ، يمكن ساعات مابلاقيش رد مناسب أو إن صاحب الرأي قال فعلا كل اللي عنده وبحس ان مافيش داعي أعقب :) يمكن أكون مقصر شوية في الردود بس ده مش تجاهل والله
انا أقصد تجاهل الاتهامات ، يعني لما واحد يدخل عندي ويتهمني بشيء عبيط مثلا بتجاهله عشان ما أدخلش في مهاترات لأني مش المفروض أكون في موضع دفاع عن نفسي قدام كل واحد بيقول أي كلام
أنا أضفت مدونتك عندي على فكرة لأنها فعلا أكثر من متميزة
تحياتي
فين ثوره الجياع
اكتبى اللى فى دماغك وخلاص
بالنسبة لثورة الجياع
اكتبي اللي انتي حاساه يا نميمة
أقولك
أدخلي على اللينك ده ، دي قصيدة للرائع أحمد فؤاد نجم
أكتبي اللي حساه بعد ما تقري القصيدة
http://www.arabtimes.com/writer/najem/najem.htm#homaMin
تحياتي
المصرى
اسفة عالتاخير
اصلى كنت بشترى جهاز العرايس بقة وكدة
وعقبالك
د.اشرف
اضفتك لمدونتى شرف عظيم
حسام يحيى
عشان خاطر عيونك هنزل العك اللى انا كتباه
د.اشرف
احمد فؤاد نجم ومجموعة قصائد رائعة
وهرفق قصيدة منها بالبوست
Post a Comment